Спорт
Кошаркарите на Монако гневни по поразот од Партизан: Игравме против осуммина
Кошаркарите на Монако, синоќа во Белград, доживеаја пораз од Партизан. Натпрварот беше решен по едно продолжение, Партизан победи 89:85.
Тренерот на Монако, Саша Обрадовиќ, по мечот му честиташе на својот постар сонародник Жељко Обрадовиќ, со напомена дека „некои ситуации заслужуваат коментар повеќе“. За разлика од тренерот кошаркарите на клубот од „малото кнежевство“, прстот го вперија кон судиите.
„Што да кажам, се е кажано. Не знам, ова е срам за Евролигата. Ова што се случува сега е срам за Евролигата. Никогаш во кариерата не сум зборувал за судии и лоши одлуки. Но овде се редеа лошите одлуки една по друга. Знаете… Имавме натпревар дома и беше слична ситуација. и пријавивме осум ситуации. Се прашувам каков ќе биде извештајот сега. Ова е срам за натпреварувањето“, изјави по натпреварот најефикасниот играч на Монако, Донатас Мотејунас.
За разлика од литванскиот центар, останатите играчи на Монако, не зборуваа пред камерите, туку се огласија на социјалните мрежи.
„Не можете да победите кога играте пет против осум“, напиша крилниот играч Алфа Диало.
Џон Браун во својот пост побара „некој да истражи што се случило“.
Џером Блосонгејм имаше сличен коментар:
„Нешто мора да се превземе…Ова е срамно!“, а со него се согласил и Метју Стразел.
Интересно, најактивниот на социјалната мрежа „Х“, Мајк Џејмс, не се огласи по мечот во Белград.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.