Челните луѓе на ФИФА сакаат да ги намалат судиските грешки на претстојното Светско првенство, па затоа размислуваат за воведување иновации во правилата за користење на ВАР системот.

ФИФА инсистира ВАР судиите да добијат овластување да интервенираат во ситуации кога веруваат дека погрешно е досуден корнер или аут или поради жолт картон, објавуваат британските медиуми.

За можноста да има измени во правилата на ВАР во рамките на Меѓународниот одбор на фудбалски асоцијации (ИФАБ), телото задолжено за фудбалските правила, наводно ФИФА би можела да добие посебно одобрение за проширување на овластувањата на ВАР, дури и без официјално да ги воведе тие промени во фудбалскиот правилник.

Јасно е дека судиските грешки се случуваат и покрај ВАР, но воведувањето повеќе видео прегледи само дополнително ќе го забави натпреварот и ќе го направи фудбалот помалку интересен.

Foto/ EPA

На гала церемонија, Серија А ги прогласи најдобрите за сезоната 2024/2025, која заврши со триумф на Наполи.

Очекувано Наполитанците добија најмногу награди. Играч на сезоната е Скот Мектоминеј, Антонио Конте е најдобар тренер, а Наполи најдобар клуб.

Интересно во идеалниот тим на сезоната најмногу играчи има Интер:

голман: Миле Свилар (Рома)
одбрана Дензел Дамфрис, Федерико ди Марко, Алесандро Бастони (сите од Интер), Амир Рахмани (Наполи)
ред за врска: Николо Барела (Интер), Тижани Рејндерс (Милан) и Скот Мектоминеј (Наполи)
напад: Лаутаро Мартинез (Интер), Мојсе Кан (Фиорентина) и Матео Ретеги (Аталанта).

Кошаркарите на Денвер и ЛА Лејкерс забележаа порази изминатата ноќ во НАБ лигата и покрај тоа што нивните ѕвезди Никола Јокиќ и Лука Дончиќ блескаа во дуелите со Далас, односно Феникс.

Денвер го забележа вториот последовен пораз на домашен терен, шести во сезоната. Во „Бол центарот“ во Денвер, Далас Маверикс слвеа 131.121.

Денвер ја доби првата четвртина со 14 поени разлика. Но, одговорот на Далас во втората беше +15.

Нагетс имаа мала предност пред решавачкиот период, но успеаја да постигнат само 19 поени во тие 12 минути.

Дејвис го предводеше Далас со 32 поени и 13 скока. Нембард додаде 28 со десет асистенции. Флег застана на 24 поени.

Никола Јокиќ имаше уште една трипл-дабл вечер. Тој постигна 29 поени со 20 скока и 13 асистенции, го следеше Спенсер Џонс со 28 поени и пет скока.

Лејкерси загубија од Феникс во Лос Анџелес и тоа убедливо 108:125. Брукс ги предводеше Сансе со 33 поени, Гилеспи додаде 28 поени.

Лука Дончиќ играше практично сам, постигна 38 поени со 11 скока и пет асистенции, а Ривс беше следен на листата на најефикасни со 16 поени. Леброн Џејмс постигна десет поени со три асистенции.

Резултати:

Детроит – Атланта 99:98
/Дурен 21 – Џонсон 29/

Индијана – Кливленд 119:135
/Сијакам 26 – Мичел 43/

Вашингтон – Милвоки 129:126
/Мекалум 28 – Портер 30/

Бруклин – Шарлот 116:103
/Портер Јуниор 35 – Книпел 18/

Мајами – ЛА Клиперс 140:123
/Пауел 30 – Ленард 36/

Орландо – Чикаго 125:120
/Бејн 37 – Гиди 22/
Јута – Хјустон 133:125
/Марканен 29 – Дурент 32/

Foto/ EPA