Спорт
Крка се спаси, Олимпија испадна од АБА-лигата (Видео)

Кошаркарите на Крка и наредната сезона ќе играат во најсилната АБА-лига, додека нивните големи ривали од Словенија, Олимпија се селат во АБА 2-лигата.
Крка, во Ново Место, ја пречека Олимпија во решавачкиот натпревар за двата тима. На крајот, по голема борба, Крка победи 62:59.
Сезоната, во која на домашен терен ги победија Партизан, Будуќност и Цедевита, екипи што ќе се борат за титулата, Крја ја заврши со седум победи и 15 порази. Победа помалку остварија кошаркарите на Олимпија, поради што испадната од лигата.
Мечот беше решен во последните две минути кога Крка успеа да создаде предност до шест поени. На крајот ниту во домашниот тим немаше ниту еден играч со постигнат двоцифрен број на поени. Најефикасни беа Мавра со девет, односно Фифолт и Балашиќ со осум поени.
Крка има подобар меѓусебен скор од Задар, поради што хрватскиот тим ќе игра бараж за опстанок во лигата. Задар за противник ќе ја има поразената екипа од финалниот меч во плеј-офот во АБА 2-лигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.