Се уште се водат полемики за тоа кој од најдобрите светски тенисери е ментално најсилен. Британецот Енди Мареј смета дека Рафаел Надал е во предност во однос на Новак Ѓоковиќ.

„Токму за тоа разговарав со Новак кога двајцата имавме `лајв` на Инстаграм. Му реков тогаш дека имаше периоди во неговата кариера кога тој бил ментално посилен од Рафа“ рече Мареј.

Сепак, кога се ќе се земе во предвид, Шкотланѓанецот тврди дека Шпанецот има поголема ментална сила од Србинот.

„Ако ја гледаме кариерата како целина, секој меч на секој турнир е кариера. Минатата недела зборувавме за тоа каква е менталната состојба на Новак во целина, како се чувствува. За тоа никогаш не сме загрижени кога е Надал во прашање, никогаш не мислам дека нему ќе му биде проблем мотивацијата или менталниот аспект на играта. Затоа сметам дека Рафа е ментално посилен играч“ додаде Мареј.

Едно е сигурно, овие зборови нема многу да им се допаднат на навивачите на српскиот ас.

Тренерот на Јувентус, Андреа Пирло е незадоволен што неговиот тим не играл паметно против Беневенто, во меч во кој ја испушти победата – средбата заврши 1-1.

„Ја контролиравме играта во првото полувреме, имавме неколку шанси да го `убиеме` мечот и да решиме се. Не ги читавме некои моменти на вистинскиот начин“ рече тој.

Во тимот на Јуве недостасуваше Кристијано Роналдо.

„Имаше ситна повреда на средината на неделата. Сакаше да игра во ЛШ, па беше природно да го одмориме. Знам колку тој е важен, и Реал Мадрид зависеше од него, но ние мораме да играме добро и без него“ заклучи Пирло.

„Старата дама“ е петта на табелата во Серија А со 17 бода, 3 помалку од лидерот Милан кој има и меч помалку.

Реал Мадрид синоќа доживеа нов кикс, на домашен терен беше поразен до 2-1 од екипата на Алавес и сега заостанува 6 бода зад лидерот Реал Сосиедад.

Тренерот Зинедин Зидан ја презема одговорноста за најверојатно најлошата изведба на својата екипа откако тој е на кормилото.

„Не бевме свои уште од почетокот на мечот, а кога така ќе тргнеш, се е покомплицирано. Не бевме концентрирани, но нема да бараме опрадувања, одигравме лош меч. Јас сум тренер и ја преземам одговорноста. Мораме да се свртиме кон идниот меч, во вторник. Нема да си вперуваме прсти, ама нешто мора да се менува, мора да се обидеме да ја промениме динамиката што не е лесно“ рече Зидан на прес-конференцијата по мечот.

Новата повреда на Еден Азар, по само 27 минути игра дополнително го разниша Реал.

„Се надевам дека добил само удар и дека нема оштетување на мускулот“ рече Зизу.

Касемиро пред крајот на мечот погоди за 2-1, ама тоа не беше доволно за бодови.

„Се боревме, дадовме се од себе, но тие подобро влегоа во мечот. Во овој клуб секогаш си присилен да победуваш“ вели тој.