Спорт
Лапорта: Не можевме да го задржиме Меси, Гризман не се вклопи во нашата филозофија
Претседателот на Барселона, Џоан Лапорта, на прес конференција, уште еднаш говорел на актуелните теми: заминувањето на Меси, трансферот на Гризман, европската Супер лига.
„Бевме под голем притисок. Моравме клубот да го ставиме под хипотека за да го испочитуваме финансискиот ферплеј. Ништо не можевме да направиме. Имавме договор, лигата не дозволи да биде реализиран. Ла Лига најпрвин имаше позитивен став, но на 5.август ни соопштија дека ќе мора да го ставиме клубот под хипотека. Никој не сакаше да се случи ова. Беше многу тажно. Го гледав неговото деби за ПСЖ, не се чувствував добро. Бев тажен што го гледав во дрес на друг клуб. Чудно чувство. Не ми беше пријатно“, рекол Лапорта.
Лапорта уште еднаш потврдил дека дури и Гризман да заминел порано, клубот ќе немал можност да го регистрира Меси. За францускиот репрезентативец, за кого претходното раководство на Барселона плати 127 милиони евра, Лапорта рекол дека воопшто не му бил потребен на клубот.
„И покрај тоа што продадовме играчи и што замина Гризман, немаше да можеме да го регистрираме Меси. Наредната година ќе можеме со повисоки цели да настапиме на трансфер пазарот. Од Гризман очекуваме повеќе. Но, кога е во прашање неговиот став, тој се однесуваше како вистински професионалец. Сепак, не успеа да се вклопи во нашиот систем. Мислам дека не и беше потребен на Барселона како засилување“.
Неизбежна тема за првиот човек на Барселона е европската Супер лига, проект кој пропадна за неполни 48 часа. Лапорта потврдил дека Барселона, Јувентус и Реал Мадрид не се откажале од проектот.
„Проектот е жив. Трите клуба нема да се откажат. Сите притисоци и закани беа без ефект. Бројни клубови не поддржуваат, таков проект и за ние е добар. Англичаните би го поддржале но трпат големи притисоци. Мислам дека можевме во јавноста подобро да ја раскажеме приказната, но јасно е дека сите би имале ќар. Ќе биде атрактивно натпреварување, од кое клубовите ќе имаат голем бенифит“, заклучил Лапорта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.