Спорт
Лапорта: Постои можност Суперлигата да стартува во 2025 година
Проектот на фудбалската Суперлига не е мртов, тврди Џоан Лапорта. Првиот човек на Барселона не ја исклучува можноста Суперлигата да започне во 2025 година. Услов за такво нешто е да биде донесена судска пресуда во корист на овој проект.
„Во март или април ќе имаме одлука на Европскиот суд на правдата. Ако пресудата биде поволна, мислам дека Суперлигата би можела да започне во 2025 година“, изјави Лапорта за радио станицата Канеда СЕР.
Европскиот суд на правдата треба да донесе одлука на почетокот на 2023 година во постапките против фудбалските тела УЕФА и ФИФА. Тужителите ги обвинуваат дека ги злоупотребиле своите овластувања со закани дека ќе ги исфрлат клубовите и играчите кои сакаат да се приклучат на проектот Суперлига.
Проектот Суперлига, приватно и полузатворено натпреварување, беше напуштено по само 48 часа под притисок на навивачите и закана со политички мерки.
Барселона, Реал Мадрид и Јувентус продолжуваат да го поддржуваат ова натпреварување и покрај противењето на шесте главни клубови од англиската Премиер лига (Арсенал, Челзи, Ливерпул, Манчестер сити, Манчестер јунајтед и Тотенхем), кои беа меѓу првите 12 клуба, но експресно решија да се повлечат и се обврзаа дека повеќе нема да биде вклучен во проектот.
„Суперлигата ќе биде отворено натпреварување. Немаше да се вклучам во овој проект доколку натпреварувањето не е отворено“, додаде Лапорта.
Претседателот на Реал Мадрид, Флорентино Перез, кој од самиот почеток го поддржува проектот за Суперлигата, во октомври 2022 година рече дека фудбалот е „болен“ и дека европската Суперлига може да го оживее.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хет трик на Довбик – Џирона со седм гола ја испрати Гранада во Сегунда
Во вториот натпревар од последното 38. коло на шпанската Примера, фудбалерите на Џирона ја декласираа Гранада со 7:0.
Џирона во голем стил ја заврши најуспешната сезона во клупската историја. Екипата од Каталонија е трета на табелата и наредната сезона ќе игра во Лигата на шампионите.
Три гола постигна Украинецот Артем Довбик, кој сега е прв стрелец во лигата со 24 гола, еден повеќе од Норвежанецот Александар Серлот од Виљареал.
Во победата два гола постигна вториот Украинец Циганков, односно Гарсија и Стуани.
Спорт
Реал го прегази Олимпијакос, ќе ја брани титулата против Панатинаикос
Реал Мадрид ќе ја брани титулата в недела против Панатинаикос, откако во второто полуфинале на завршниот турнир во Берлин го победи Олимпијакос со 87:76 (28:10, 28:27, 15:21, 16:18).
Во второто полуфинале немаше никаква неизвесност. Слично како и во првото полуфинале, работите беа решени во рната фаза од натпреварот. Реал, во првата четвртина со шест тројки го торпедираше кошот на Олимпијакос и во вториот период влезе со предност од 18 поени.
Во ист ритам Реал продолжи и во втората четвртина, во која дојде до највисоката преднотс (54:29).
Олимпијакос се разбуди во второто полувреме, во еден момент, во последната четвртина со доближи на негатива од само осум поени, но Реал лесно го одби тој напад и на крајот заслужено победи.
Џанан Муса го предводеше Реал со 20 поени, Марио Хезоња постигна 12, а Гершон Јабуселе и Винсан Поарије по 11.
Кај Олимпијакос се истакнаа Алек Питерс постигна 23 со 10 скока, Шекил Мекисик 17, а Најџел Вилијамс-Гос 15 поени.
Финалниот натпревар Реал-Панатинаикос ќе се одигра в недела од 20 часот.
Спорт
Пандев во „Тимот на светот“, ќе игра против Романија 1994
Тимот на светот утре во Букурешт ќе одигра ревијален натпревар против „златната генерација“ на романскиот фудбал која остави фантастичен впечаток на СП 1994.
На Светското првенство во 1994 година Романија стигна до четвртфиналето.
Дел од тимот на светот ќе биде и Горан Пандев. Во овој тим се меѓудругите Дида, Маикон, Стоичков, Ривалдо, Панучи, Маркос Сена, Савиола, Карембе…
Во тимот на Романија ќе бидат Попеску, Димитреску, Лакатуш, Прунеа, Лупеску, Мунтеану, Дан Петреску…