Спорт
ЛЕ: „Ѓаволите“ ќе го напаѓаат Рим, Арсенал против својот поранешен тренер!
Манчестер јунајтед, Арсенал, Вилјареал и Рома ја заддржаа предноста од првите мечеви и влегоа во полуфиналето на Лига Европа, каде што ќе има два интересни дуели и можност за англиско финале.
Арсенал, откако дома одигра разочарувачки 1:1 со Славија Прага, во „блиц“ од шест минути стигна до 0:3 предност во првото полувреме за да го елиминира чешкиот клуб со вкупни 0:4 и да обезбеди пресметка со Вилјареал, кои пак со 2:1 го победија Динамо Загреб и го потврдија триумфот од првото коло. Ова значи дека тимот на Микел Артета ќе се соочи со Вилјареал, каде што тренер е човекот кој Артета го замени на клупата на „топчиите“, Унаи Емери.
Манчестер јунајтед, пак, повторно со гол на Единсон Кавани, стигнаа до 2:0 победа над Гранада, откако во првиот меч славеа со 2:0. Тие ќе играат со Рома, која во најнеизвесниот меч, одигра 1:1 со Ајакс, за да им биде доволен триумфот од првиот меч.
ЛИГА ЕВРОПА, ЧЕТВРТ-ФИНАЛЕ, 2.МЕЧ
Манчестер јунајтед – Гранада 2:0, прв меч 2:0, вкупно 4:0
Славија Прага – Арсенал 0:4, прв меч 1:1, вкупно 1:4
Вилјареал – Динамо Загреб 2:1, прв меч 1:0, вкупно 3:1
Рома – Ајакс 1:1, прв меч 2:1, вкупно 3:2
ПОЛУФИНАЛЕ
Манчестер јунајтед – Рома
Вилјареал – Арсенал
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ембид го прекрши ветувањето што му го дал на претседателот Макрон
Кошаркарот на Филаделфија, Џоел Ембид му ветил на францускиот претседател Емануел Макрон во 2021 година дека ќе игра за Франција. Три години подоцна го прекрши ветувањето.
Ембид, се ремисли и реши на олимписките игри во Париз да го носи дресот на Соединетите Американски Држави.
Ембид имаше можност да игра за Камерун, земјата во која е роден.
„РМЦ Спорт“ го објави писмото Ембид што му го испратиl на претседателот Макрон во 2021 година.
„Откако разговарав со луѓе од Француската кошаркарска федерација, донесов одлука. Сакам да преземам чекори за да станам „натурализиран“ играч и на тој начин да можам да бидам член на „триколорите“. Затоа не сакам да играм за која било друга репрезентација. Никогаш не сум ги носел боите на ниту една репрезентација. За мене би било голема чест да се приклучам на оваа француска репрезентација за да учествувам на следните големи натпреварувања, особено на Олимписките игри во 2024 година“, пишува меѓудугото во писмото на Ембид.
Joel Embiid a envoyé une lettre à Emmanuel Macron en 2021, dans laquelle il a promis de jouer pour l’équipe de France afin d’obtenir la nationalité française, selon @RMCsport.
Extrait de la lettre : « Mon choix est arrêté […] Je ne souhaite jouer pour aucune autre équipe… pic.twitter.com/mVLV7xrhkF
— Benjamin Moubèche (@BenjaminMoubech) April 18, 2024
Инаку, Ембид е на списокот од 12 играчи на САД кои ќе играат во Париз.
Во ростерот на Стив Кер се и Стеф Кари, Тајрис Халибартон, Џру Холидеј, Ентони Едвардс, Девин Букер, Кевин Дурант, Џејсон Тејтум, Ентони Дејвис, Леброн Џејмс, Каваи Ленард и Бем Адебајо.
Спорт
Имобиле ќе го напушти Лацио, замената доаѓа од Џенова
По осум години минати во клубот, капитенот на Лацио, Чиро Имобиле ќе го напушти „Олимпико“, на крајот од сезоната.
Имобиле четири пати беше најдобар стрелец во италијанската Серија А, 34-годишниот се смета за еден од најдобрите напаѓачи во историјата на клубот.
Иако договорот му истекува дури во летото 2026 година, најдобриот стрелец во клупската историја не е во плановите на новиот тренер Игор Тудор, кој веќе најде замена за него.
Како што пишува италијанска „Ла Република“, следното лето Лацио ќе тргне по центарфорот на Џенова, Матео Ретеги, италијанскиот репрезентативец, роден во Аргентина.
Ретеги има 24 години, а оваа сезона за Џенова постигна осум гола на 26 натпревари, а за селекцијата на „аѕурите“ одигра шест натпревари и постигна четири гола.
Џенова за трансферот на Ретеги ќе бара околу 25.000.000 евра.
Спорт
Себаљос заминува од Реал
Играчот од средниот ред на Реал Мадрид, Дани Себаљос (27) ќе го напушти клубот по завршувањето на сезоната. Шпанските и италијанските медиуми тврдат дека тој ќе се пресели во Милан.
Себаљос е член на Реал од 2017 година, а од 2019 до 2021 година беше на позајмица во Арсенал. Се шпекулираше и пред почетокот на минатата сезона дека ќе го напушти клубот, но реши да остане, убеден дека ќе добие шанса од Карло Анчелоти.
Она што го планираше не му се оствари, тековната сезона ј минува на клупата за резерви.
Поради тоа е подготвен да го напушти Мадрид, а според информациите Реал нема да се противи на трансферот, што покажува и обесштетувањето кое го бара за Себаљос, а кое изнесува 8.000.000 евра.
Шпанските и италијанските медиуми пренесуваат дека најголем интерес покажал Милан, а како потенцијални дестинации се споменуваат и Атлетико Мадрид, односно Бетис.