Хрватскиот репрезентативец Иван Ракитиќ ќе ја напушти Барселона но не сака трансфер во Манчестер Јунајтед.

Ракитиќ на своја кожа почувствува како судбината може да биде сурува. Од незаменлив член на првиот тим, омилениот играч на Ернесто Валверде, со доаѓањето на Френки Де Јонг, стана вишок. Цело лето се шпекулираше дека тој ќе го напушти „Ноу Камп“, на крајот остана во Барселона но е далеку од првиот тим.

Манчестер Јунајтед се заинтересирани за него, но тој одбива да оди во Премиер лигата од семејни причини. Како што објави „ЕСПН“ повикувајќи се на изјавите блиски пријатели на фудбалерот, семејството Ракитиќ не сакале да сончевата Барселона да ја заменат со дождливиот Манчестер.

Зинедин Зидан се сретнал со Пол Погба во Дубаи. Според медиумите францускиот тренер го договарал трансферот на сонародникот. Зидан цело лето се обидуваше да го донесе Погба во Реал, меѓутоа сумата од 180 милиони евра што ја бараа од Манчестер Јунајтед не сакаа да ја платат од „кралскиот клуб“.

Зидан ви Дубаи бил на семинар за вештачката интелигенција, додека Погба таму се наоѓа на рехабилитација од повредата на глуждот.

„Дејли Мирор“ објави дека Зидан се сретнал со Погба, а на фотографијата се забележува дека уживаат во разговорот.

Токму оваа фотографија повторно ги поттикна шпекулациите дека Погба ќе се пресели во Реал.

Договорот на Пол Погба со Манчестер Јунајтед истекува во 2021 година.

Оперативниот директор на Манчестер сити, Омар Берада, не бил задоволен од календарот во Премиер лигата и фактот дека актуелните англиски шампиони за „Боксинг деј“ ќе треба да одиграат два натпревари за помалку од 48 часа.

„Граѓаните“ на 27 декември (20.45 часот) ќе гостуваат кај Вулверхемптон, а два дена подоцна од 19 часот ќе го пречекаат Шефилд Јунајтед.

„Разочарани сме бидејќи за Божик“ распоредот е толку ‘тесен’. Натпреварите во Премиер лигата бараат добра физичка подготвеност. Не се препорачува да се игра два пати за помалку од 48 часа. Играчите нема да имаат доволно време да се опорават“, рекол Берада и дополнил.

„Разбираме дека телевизиските станици се важен фактор во подготвувањето на календарот меѓутоа мора да се води сметка и за здравјето на фудбалерите“.

Инаку од клубот одржале состанок со челниците на Премиер лигата но не нашле на разбирање.