На Реал Мајорка не им оди најдобро, откако по победата во првиот меч од новата сезона во Ла лига, доживеаја уште еден пораз, овојпат од 4:2 од тимот на Хетафе. Македонскиот репрезентативец Александар Трајковски повторно не доби шанса од тренерот Висенте Морено.

Хетафе дојде во водство уште во седмата минута со автоголот на Идрису Баба, а на полувреме имаа 2:0 предност откако Хорхе Молина беше прецизен од белата точка во 33. минута. Хетафе дојде и до 3:0 преку Алан Њом во 63. минута, пред Мајорка да постигне гол преку Хрватот Будимир во 70. минута.

Будимир им даде надеж на гостите дека можат да стигнат до реми, кога во 77. минута намали на 3:2, меѓутоа Анхел во 84. минута го потврди триумфот.

Претседателот на Јувентус, Андреа Ањели сведочел дека ултрасите на клубот го уценувале италијанскиот шампион со закана со навредувачки песни по кои Јувентус би бил казнет.

Оваа недела беа уапсени 12 навивачи на Јувентус, лидери на групите ултраси, и според „Кориере дела сера“, Ањели пред судот изјавил дека организираните навивачки групи станале агресивни во барањата за бесплатни билети и други работи од клубот.

„Одите на трибините на сопствен ризик, посебно во централниот сектор. Таму не се сите деликвенти, но има лидери кои имаат криминален потенцијал – Тоја, Гранчини и Мочола, лидерите на групите ’Други’ и ’Викинг’. Во 2018 година во соработка со полицијата решивме да поднесеме тужба и да ја решиме ситуацијата. Со закани за насилно однесување тие му штетат на клубот“, изјавил Ањели.

Ултрасите штрајкуваа во вчерашниот 2:1 триумф над Верона со тоа што не навиваа за клубот, а дел од нив беа надвор од стадионот каде што ја навредуваа управата на клубот. Вчера исто така за првпат на „Алијанц стадионот“ имаше стјуарди во „курва“ областа, каде што досега редот го спроведуваа самите навивачки групи.

Уапсени навивачи, со години го рекетирале Јувентус

Рафаел Надал се повлече од своите мечеви на Лејвер купот во Швајцарија откако доби повреда на зглобот, потврдија од турнирот.

„По консултациите со докторот на натпреварувањето, Рафаел Надал се повлече од денешните мечеви поради повреда на зглобот“, се вели во соопштението на Лејвер купот.

Надал, кој ја освои четвртата титула од САД опен овој месец, требаше да игра во сингл против Ник Кирјос и заедно со Роџер Федерер во двојки. Наместо него, Стефанос Циципас ќе игра покрај Федерер, додека Доминик Тим ќе ја преземе одговорноста во сингл-мечот.

Ова е лоша вест за Европа, кои вчера загубија два меча, но сепак водат со 7:5 против Остатокот од светот.

„Фантастично е да се игра на Лејвер купот и разочаран сум што нема да можам да играм денеска. Но, имам воспаление на зглобот и морам да се одморам. Атмосферата во Женева е фантастична и ќе бидам тука за сите мои соиграчи“, вели Надал.

ICYMI

Nadal out. Replaced by Tsitsipas in the doubles and Thiem in the singles. #TeamEurope | #LaverCup https://t.co/qjyMpSOo5Z

— Laver Cup (@LaverCup) September 22, 2019