Формула 1 возачите јасно се побунија против идејата од следната сезона да има драстични промени во квалификациите, односно наместо сегашниот формат да има саботна спринт-трка која ќе го одредува стартот на неделните трки.

„Либерти медија“ и ФИА во Сингапур им ја презентираа најновата идеја за промени во системот на натпреварувања, така што во сабота би се оддржувала спринтерска трка во обратен распоред од пласманот во шампионатот.

„Тоа е дел од разговорите за подобрување на спортот и правењето на акцијата поатрактивна за гледачите. Секогаш ќе разгледуваме нови идеи, но уште не е донесена одлука“, изјави претседателот на ФИА, Жан Тод за „Л’Екип“.

На повеќе врвни Ф1 возачи воопшто не им се допаѓа ова.

„Луѓето кои ги прават овие предлози навистина не знаат за што зборуваат. Смешно“, изјави светскиот шампион на Мерцедес, Луис Хамилтон.

Со него се согласува и главниот ривал Себастијан Фетел во Ферари.

„За мене, тоа е комплетно срање. Не знам кој гениј го измислил ова решение. Ако сакате да ги подобрите работите, треба да имаме потесно тркање“, вели Фетел.

Макс Ферстапен беше краток: „Мислам дека се работи за глупава идеја“, додека Александер Албон од Ред бул прокоментира: „Мислам дека е на Вилијамс им се допаѓа идејата“.

Биното: Договорена е саботна мини-трка наместо квалификации

Контроверзниот австралиски тенисер, Ник Кирјос призна дека ја загубил концентрацијата од една згодна девојка на трибините откако загуби од Роџер Федерер во Лејвер купот во Швајцарија.

Кирјос започна одлично против 20-кратниот гренд слем шампион Федерер, освојувајќи го првиот сет во тај-брејк со 7:6. Но, по третиот гем во вториот сет, тој ја загуби формата и по еден загубен гем од Швајцарецот тој призна дека има проблеми.

„Загубив концентрација. Видов навистина згодна девојка во публиката. Да бидам искрен, сега би ја оженил. Сега!“, изјави Кирјос.

По ова, Кирјос не успеа да ја врати формата и загуби со 6:7/7:6/10:7 од Федерер.

“I lost concentration, I saw a really hot chick in the crowd”

Not sure that’s a valid excuse, Nick Kyrgios 😳 pic.twitter.com/ghbuWKWkWj

— Eurosport UK (@Eurosport_UK) September 21, 2019

Поранешната светска тенисерка број 1, Наоми Осака го прекина постот со титули, откако триумфираше на Пан пацифичкиот опен во Осака, Јапонија со 6:2/6:3 победа над Русинката Анастасија Пављученкова.

Ова е прва титула за Осака по триумфот на Австралија опен во јануари, и до неа стигна за само 70 минути, доминирајќи на свој сервис (ги освои сите 20 поени на прв сервис) и комплетирајќи го мечот со три брејка и само 12 неизнудени грешки.

„Навистина е посебно да се победи тука во градот каде што сум родена. Домашната публика ми даде сила да играм постојано цела недела“, изјави Осака.

Пред оваа недела, 21-годишната Јапонка немаше поминато четврт-финале на турнир од април. Таа во саботата победи во два меча, триумфирајќи над Јулија Путинцева и Елизе Мертенс и го комплетираше турнирот без ниту еден загубен сет.