Голем хендикеп за Лајпциг е што ќе го нема Тимо Вернер (потпиша за Челси) во составот, Атлетико Мадрид без заразените Корeа и Врсаљко во Лисабон, Феликс се опорави од повредата.

Ова накратко е најавата за вечерашниот четвртфинален двобој во Лигата на шампиони меѓу Атлетико Мадрид и Лајпциг.

Подобриот од овој дуел оди на мегдан со ПСЖ во полуфиналето.

„Биковите“ од Лајпциг испишуваат историја, првпат се меѓу осумте најдобри на Стариот континент.

„Јорганџиите“ се секогаш тука близу до врвот, но никогаш на него. Олеснително за нив е што го нема градскиот ривал Реал Мадрид, елиминиран е од Сити.

Атлетико тука стигна по драматилен меч на „Енфилд“ со првакот Ливерпул, а Лајпциг со две победи го исфрли од игра минатосезонскиот финалист, Тотенхем.

Младиот стручњак на клупата на Лајпциг, Јулијан Нагелсман смета дека имаат замена за голгетерот Вернер.

„Имаме играчи кои може да го заменат Вернер. Атлетико е физилка екипа, со снажни стопери. Нема да го менуваме нашиот стил на игра. Ќе се обидеме да најдеме празнина во нивната одбрана. Притисокот и нервозата се присутни. Имаме план и ако постигнеме први гол, но и ако примиме. Подготвени сме“ рече Нагелсман.

Чоло Симеоне во Лисабон е без Кореа и Врсаљко, а во составот ќе има и 4 играчи од младинскиот погон.

„Помина доста време од нашиот последен меч во ЛШ. Победата на `Енфилд` беше сјајна, но ова е нов почеток. Фокусирани сме на мечот, да се подготвиме на вистинскиот начин. Лајпциг има одличен тим, со млад тренер кој врши одлична работа“ смета Симеоне.

Атлетико сезонава во Ла Лига на 38 меча постигна 51 гол, а Лајпциг во Бундеслигата на 34 меча имаше реализација на 81 гол.

Мечот почнува во 21 часот и се игра на стадионот „Жозе Алвеладе“ во Лисабон, Португалија.

Кошаркарот на Црвена звезда, Мајкл Оџо (27), најверојатно, напорните тренинзи го чинеле живот.

Информациите што денеска ги пласираат српските медиуми се дека кошаркарот, кој почина на 7 овој месец, неколку дена пред смртта имал по три тренинзи дневно, што било големо оптоварување за неговиот организам.

Нигерискиот кошаркар речиси цел месец се борел со Ковид-19, имал воспаление на белите дробови и поради тоа докторите му советувале да мирува. Сепак, тој не ги послушал инструкциите.

„Вишото јавно обвинителство го презеде случајот. Засега е утврдено дека Оџо тренирал трипати на ден, наутро имал футинг (трчање со истегнување), потоа околу 12 часот редовен тренинг, а навечер одел во сала. Тоа на крајот довело до смрт на кошаркарот, кој сè уште не бил закрепнат од коронавирусот. Тој на 28 јули ја добил потврдата дека е негативен на Ковид-19, но подоцна било утврдено дека сè уште во него постоела инфекција, која е последица на вирусот“, информира неименуван извор за српски „Телеграф“.

Сè уште не се познати резултатите од обдукцијата, кои се очекува да ја откријат вистинската причина за смртта на кошаркарот.

Информациите се дека Оџо на сопствена одговорност се вратил на теренот, без одобрение од клупскиот доктор.

На едно коло до крајот на регуларниот дел од НБА-сезоната, познати се 7 од осумте пара од плејофот, кој почнува идната недела.

Денвер Нагетс во Западната конференција ќе се судрат со Јута џез. Српскиот ас Никола Јокиќ на мегдан против еден од најдобрите дефанзивци на светот, Руди Гобер, кој беше првиот заразен НБА-кошаркар со коронавирус.

Лос Анџелес Клиперс својот меч од плејофот ќе го игра против Далас Маверикс. Овој меч се очекува да помине во знакот на 4 суперѕвезди – Лука Дончиќ и Кристапс Порзингис, од една страна, и Каваи Ленард и Пол Џорџ, од друга.

Хјустон Рокетс ќе игра против Оклахома Сити Тандер. Крис Пол ќе има можност за настап против својот поранешен тим, но сепак сите очи ќе бидат вперени кон Џејмс Харден.

Единствено што не е познато засега е противникот на Лос Анџелес Лејкерс. Екипата што ќе ја заземе осмата позиција на Западот може да е Портланд, Феникс или Мемфис.

Што се однесува на Источната конференција, Милвоки Бакс ќе ги одмери силите против Орландо Меџик. Вниманието ќе биде насочено кон „бикот“ Јанис Адетокумбо кој е потенцијален МВП на лигата.

Актуелниот НБА шампион, Торонто Репторс во првото коло од плеј офот ќе се судри со Бруклин Нетс. Очекувањата се Торонто да излезе како победник најмногу заради тоа што кај Нетси ќе недостасуваат Ирвинг, Дурент, Џордан, Принс и Динвиди.

Бостон Селтикс врзаа 4 победи и со таква серија ќе ја пречекаат Филаделфија. Овој дуел се очекува да е многу интересен. Двата тима сезонава одиграа 4 меча, а во три од нив славеше Филаделфија.

Фаворитот од сенка според многумина, Мајами Хит во првото коло силите ќе ги одмери со Индијана Пејсерс. Овој дуел се чини ќе е најинтересниот на Истокот ако се погледне квалитетот на двата тима.