Спорт

ЛШ: Лазаров и Нант во четврт-финале по драмата кај Кјелце!

Објавено пред

5 дена

- 7 април, 2021

Од

Нант требаше да биде „отпишан“ уште по првиот меч, кога на домашен терен загуби со 25:24 од Кјелце, така што се очекуваше дека во Полска, Кјелце, полно со поранешни ракометари на Вардар, лесно ќе успее да стигне до победа и потврда на местото меѓу најдобрите осум.

Меѓутоа, тие не сметаа на инспирацијата на францускиот клуб, кој водеше во текот на целиот меч и на крајот стигна до победа од 28:30, доволна за пласман понатаму. Македонскиот капитен и селектор, Кирил Лазаров, постигна четири гола за својот клуб, но два од нив беа клучни, кога од 25:26 го зголеми водството на 25:28, по што Кјелце успеа да се врати на 30:30, пред гостите пак да поведат со 30:31, а по уште едно израмнување, Нант постигна два гола за конечни 31:34.

Валеро Ривера беше најефикасен за Нант со девет постигнати голови, додека за Кјелце, Владислав Кулеш заврши со осум гола.

Графика: Sofascore за Топспорт.мк

ЕХФ ЛИГА НА ШАМПИОНИ, 1/8 ФИНАЛЕ, 2.МЕЧ

Кјелце – Нант 31:34 (13:15), прв меч 25:24, вкупно 56:58

Алборг – Порто 27:24 (10:9), прв меч 29:32, вкупно 56:56, Алборг има повеќе постигнати голови на гости

Кил – Пик Сегед 33:28 (18:15), прв меч 33:28, вкупно 66:56

Барселона – Елверум 39:19, прв меч 37:25, вкупно 76:44

Флензбург – ППД Загреб вториот меч нема да се игра, прв меч 36:30

Пари Сен-Жермен – Целје 08.04, прв меч 37:24

Мешков Брест – Мотор Запорожје 08.04, прв меч 30:32

Веспрем – Вардар 08.04, прв меч 41:27

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

ЛШ: Мбапе му донесе половична одмазда на ПСЖ против Баерн, Челси со сериозна предност против Порто

Претходно

Голем човек, големо срце! Шекил му купил свршенички прстен на непознат човек

Спорт

Евертон четири меча без победа, топ 4 пласманот изгледа далечен

Објавено пред

4 часа

- 12 април, 2021

Од

TopSport.mk

Евертон одиграа само 0:0 на гостувањето кај Брајтон во вториот понеделнички меч во Премиер лигата, што е нивни четврти меч без победа и со кој остануваат на далечни 7 поени од топ 4 пласман на место кое води во Лигата на шампионите. Од друга страна, за Брајтон, и овој поен може да биде клучен во борбата за опстанок.

Евертон се на осмото место со 48 поени, еден зад Тотенхем и дури 7 зад Вест хем на четвртото место. Брајтон се на 15. место со 33 поени, исто како 16-пласираниот Барнли и седум над зоната за испаѓање.

Прикажи повеќе...

Спорт

Ракитиќ и Папу Гомез за драматична 4:3 победа на Севилја кај Селта!

Објавено пред

4 часа

- 12 април, 2021

Од

TopSport.mk

Селта Виго и Севилја го одиграа можеби најлудиот меч оваа сезона, откако на „Балаидос“, гостите успеаја да стигнат до 4:3 победа за да се зацврстат во топ 4 во лигата, враќајќи се од два гола разлика.

Жил Коунде го донесе тимот на Хулен Лопетеги во рано водство уште во 5. минута, но тогаш на сцена стапи фантастичниот Јаго Аспас кој за три минути постигна два гола (во 20. од пенал и во 23.) за домаќините да поведат со 2:1. Фернандо во 35. минута израмни за Севилја, за во 43. минута Браис Мендез пак да донесат водство за домаќините.

Во второто полувреме, Севилја го комплетираше камбекот – Иван Ракитиќ во 60. минута повторно израмни на 3:3, пред Папу Гомез во 73. минута да ги постави конечните 3:4.

Севилја со новите три поени останува на безбедното четврто место со 61 поен, сега само шест зад лидерот Атлетико Мадрид. Селта, пак, се на безбедното 10. место со 37 поени.

Gol de Papu Gomez Celta de Vigo vs Sevilla 3-4 pic.twitter.com/f1ICJnQ6eF
— DJ SPORTS (@DJSPORTS9) April 12, 2021

Прикажи повеќе...

Спорт

Пангос ги однесе Зенит во плејофот во Евролигата, „извиси“ Валенсија

Објавено пред

6 часа

- 12 април, 2021

Од

TopSport.mk

Кевин Пангос ги предводеше Зенит Санкт Петерсбург до убедлива победа од 112:83 над Панатинаикос за првпат во историјата на клубот да се пласираат во плејофот во Евролигата.

Со победата, Зенит го освои осмото место по регуларната сезона и обезбеди дуел со првиот носител Барселона во плејофот.

Пангос во 33 минути имаше 33 поени и 11 асистенции, а Вил Томас го следеше со 18 поени без утка, а Били Барон додаде 12 поени. Немања Недовиќ беше најдобар за Панатинаикос со 20 поени, а Јанис Папапетру додаде 16 поени.

ЕВРОЛИГА, ПЛЕЈОФ

Барселона – Зенит Санкт Петерсбург

ЦКСА Москва – Фенербахче

Анадолу Ефес – Реал Мадрид

Армани Милано – Баерн Минхен

Прикажи повеќе...