Кевин Пангос ги предводеше Зенит Санкт Петерсбург до убедлива победа од 112:83 над Панатинаикос за првпат во историјата на клубот да се пласираат во плејофот во Евролигата.

Со победата, Зенит го освои осмото место по регуларната сезона и обезбеди дуел со првиот носител Барселона во плејофот.

Пангос во 33 минути имаше 33 поени и 11 асистенции, а Вил Томас го следеше со 18 поени без утка, а Били Барон додаде 12 поени. Немања Недовиќ беше најдобар за Панатинаикос со 20 поени, а Јанис Папапетру додаде 16 поени.

ЕВРОЛИГА, ПЛЕЈОФ

Барселона – Зенит Санкт Петерсбург

ЦКСА Москва – Фенербахче

Анадолу Ефес – Реал Мадрид

Армани Милано – Баерн Минхен

На денешен ден пред 21 година, Роналдо Назарио, според многумина најдобриот и најталентираниот фудбалер на сите времиња, ја доживеа страшната повреда на коленото, која ќе стави крај на блескавата кариера.

„Ел Феномено“ постојано мачеше мака со повреди, но таа која ја доби во 2000 ја смени неговата кариера. Бразилецот влезе во игра за Интер против Лацио во меч од Копа Италија и се обиде да направи еден од неговите препознатливи потези, но падна на тревата со болна гримаса на лицето.

Тоа беше прв меч на Роналдо по пауза од пет месеци поради скинати лигаменти во коленото, а повредата потоа стана посериозна, целосно кинејќи ги неговите жили во коленото. На снимката се гледа како фудбалерите на Интер и Лацио трчаат кон Роналдо по неговата повреда. Дури препознатливо бурната публика на „Олимпико“ аплаудираше кон Бразилецот. Подоцна, неговиот физиотерапевт изјави дека тоа е најлошата повреда која ја видел.

Роналдо ќе се врати на фудбалот во септември 2001, и иако ја врати фантастичната форма, веќе ја немаше таа експлозивност.



12th April 2000

Ronaldo returns to the field after a long injury break. 6 minutes in, he tries a stepover and crack goes the knee again. He leaves the field in tears, the Olimpico remains quiet after that moment…

🎥: @90ordnasselA pic.twitter.com/lozEz9tqNx

— Uncle Sharma (@RSharmzz) April 12, 2020

Сем Алардајс е познат како тренер кој никогаш не испаднал од Премиер лигата, односно како експерт за опстанување, но ако успее да го повтори тоа со Вест Бромвич Албион, несомнено ќе биде најголемиот успех.

ВБА, популарните „Бегис“, откако во минатото коло со 2:5 ги уништија Челси, вечерва со 3:0 го совладаа Саутемптон, за да дојдат на осум поени од безбедната зона со осум натпревари до крајот на сезоната, заддржувајќи ги шансите да останат во елитата.

Откако во петтата минута од мечот беше поништен апсолутно „легален“ гол на Диањ, Матеуш Переира во 32. минута од пенал ги донесе домаќините во водство. Само три минути подоцна Мет Филипс го зголеми водството, за во 69. минута Калам Робинсон да ги постави конечните 3:0.

ВБА остануваат на претпоследното место на табелата, но сега имаат 24 поени, два помалку од Фулам пред нив и осум зад Њукасл со 32 на првото „безбедно“ место. Брајтон исто така имаат 32 поени, а Барнли на 15. место имаат 33 поени во интересна трка за опстанок. Саутемптон се 14. со 36 поени.