Спорт
ЛШ: Митревски и Порто елиминирани по драматичниот финиш во Данска
Данскиот Алборг и актуелниот шампион Кил се следните два четвртфиналисти од ЕХФ Лигата на шампионите откако бундеслигашот лесно пак го мина Пик Сегед, а Алборг во драматичен меч го елиминира Порто на македонскиот голман Никола Митревски откога стигнаа до 27:24 победа.
Бидејќи во првиот меч загубија со идентични три гола разлика (32:29), Алборг влезе меѓу осумте најдобри поради повеќе постигнати голови на гости.
Португалците имаа фантастичен почеток на мечот со 0:3 водство и со фантастичните одбрани на Митревски на голот, но Алборг се врати и по 14 минути игра, го презедоа водството со 6:5 за на полувремето да направат еден гол разлика (10:9). Алборг и во второто полувреме постојано го имаше водството, но само со гол или два гола разлика за првпат да стигнат до посакуваните +3, дури во 57. минута од мечот. Феликс Клар со шест гола беше најефикасен за Алборг, а за Порто, Виктор Итуриза исто така постигна шест гола.
WATCH: 1, 2, … #Mitrevski! ?
Brilliant start for the @FCPorto goalkeeper in this #MOTW against #AalborgHåndbold.#ehfcl #showtimeforMOTW pic.twitter.com/0FGKK82nJO— EHF Champions League (@ehfcl) April 7, 2021
Актуелниот шампион од ЛШ, германскиот Кил, пак, немаше вакви проблеми стигнувајќи до втора победа над Пик Сегед, овој пат со 33:28. Кил имаше +5 од првиот меч во Унгарија и не дозволи никакво изненадување правејќи три гола предност по првото полувреме (18:15).
Вчера, во четврт-финалето влезе и Барселона по новата победа над Елверум, како и Флензбург, откако ЕХФ дозволи да не се игра реваншот против ППД Загреб поради Ковид-19 во хрватскиот клуб.
ЕХФ ЛИГА НА ШАМПИОНИТЕ, ОСМИНА-ФИНАЛЕ, 2. МЕЧ
Алборг – Порто 27:24 (10:9), прв меч 29:32, вкупно 56:56, Алборг има повеќе постигнати голови на гости
Кил – Пик Сегед 33:28 (18:15), прв меч 33:28, вкупно 66:56
Барселона – Елверум 39:19, прв меч 37:25
Флензбург – ППД Загреб вториот меч нема да се игра, прв меч 36:30
Кјељце – Нант 07.04, прв меч 25:24
Пари Сен-Жермен – Целје 08.04, прв меч 37:24
Мешков Брест – Мотор Запорожје 08.04, прв меч 30:32
Веспрем – Вардар 08.04, прв меч 41:27
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Бисума се врати по повредата, па по 15 секунди повторно се повреди

Ив Бисума, репрезентативец на Мали, се повреди на квалификацискиот натпревар за Светското првенство во кој неговата репрезентација го победи Мадагаскар со 4:1.
Бисума против Мадагаскар го одигра првиот натпревар од почетокот на сезоната, бидејќи долго отсуствуваше поради повреда на коленото. Во првиот натпревар во сезоната Бисума на теренот мина 15-20 секунди.
При резултатот од 3:0 за Мали, Бисума веднаш стигна до топката и токму кога се спремаше да поведе контранапад, следеше стартот на противникот, по што Бисума мораше да биде изнесен од теренот.
Засега нема проценки колку ќе паузира.
Бисума има договор со Тотенхем до крајот на сезоната, како што сега стојат работите тој ќе го напушти клубот.
Bissouma was stretchered off for Mali just seconds into his first appearance of the season, and was visibly distressed.
Get well soon, Biss 🤍❤️🩹 pic.twitter.com/oydQtSnB5C
— Spurs Insider (@SpursInsider183) October 12, 2025
Спорт
Само победа е опција – Македонија вечерва против Казахстан

Фудбалската репрезентација на Македонија вечерва во седмото коло, во квалификациите за пласман на Светското првенство ќе го пречека Казахстан. Натпреварот на Националната арена „Тодор Проески“ ќе започне во 20.45 часот.
Само победа и опција во дуелот со Казахстан за избраниците на Благоја Милевски. Победа ќе го доближат националниот тим до Мундијалот во САД, Мексико и Канада.
Јасно е дека по оваа рунда, многу работи ќе бидат јасни во Ј групата. Во истиот термин во Кардиф, Велс ќе ја пречека Белгија.
„Ќе биде многу тешко. Казахстан на првиот меч во Астана покажа дека има квалитет. Сега има и нов селектор и нова филозофија, но ние сме подготвени“, изјави селекторот Милевски пред вечерашниот дуел.
Првиот натпревар одигран на 9.јуни, заврши с минимална победа на Македонија. Единствениот гол во Астана го постигна Александар Трајковски.
табела, Ј група:
Foto/ ffm.mk
Спорт
Ѓоковиќ: Бев на вечера со Рафа, но не сме пријатели

Во интервју за „Кориере дела Сера“, Новак Ѓоковиќ уште еднаш раскажа каков однос имал со своите најголеми ривали, Рафаел Надал и Роџер Федерер.
„Никогаш не бевме пријатели. Рафа е само една година постар, двајцата сме близнаци во хороскоп, двапати бевме на вечера заедно, но пријателството со него е невозможно. Секогаш имав многу почит и восхит кон него. Невозможно е пријателство меѓу ривали, но никогаш не сме биле непријатели. Благодарение на него и Федерер станав ваков.
Ѓоковиќ вели дека нивното големо соперништво е незаборавно.
„Тоа ќе нè обедини засекогаш. Надал е дел од мојот живот во последните 15 години. Го гледав повеќе од мајка ми“.
Потоа откри и што најмногу почитува кај Шпанецот:
„Има многу работи што ме инспирираат во неговата кариера. Пред сè, упорност, посветеност, борбен дух. Неговиот менталитет на шампион кој никогаш не се откажува и секогаш, колку и да е тешко, наоѓа начин да победи, начин да се врати. Тој негов менталитет е навистина многу инспиративен“.
Слична е ситуацијата и со Федерер.
„Секогаш чувствував голема почит кон него, тој е еден од најголемите на сите времиња. Имаше неверојатно влијание, но никогаш не бевме блиски“.