Легендата на Реал Мадрид, Раул Гонзалес Бланко, актуелен тренер на филијалата на „кралскиот клуб“, Кастиља, би можел да биде новиот тренер на Ајтрахт од Франкфурт.

„АС“, пишува дека веќе се воспоставени конталти помеѓу двете страни. Доколку постигнат договор, Раул, ќе го наследи Ади Хитер, кој од наредната сезона ќе го предводи тимот на Борусија од Менхенгладбах.

Раул, изминатите денови е често присутен во шпанските медиуми. Дел од нив го тврдат дека тој ќе го наследи Зинедин Зидан доколку актуелниот тренер на Реал реши да го напушти клубот.

Јута Џез ја задржа лидерската позиција во НБА лигата со победата над Денвер Нагетс од 127:100. Брилијантен меч за Јута одигра Бојан Богдановиќ, додека на спротивната страна Никола Јокиќ за еден скок остана без трипл-дабл.

Без Донован Мичел и Мајк Конли, Јута успеа да забележи победа над Денвер. Последната четвртина го реши победникот, која Јута ја доби со осим поени разлика.

Хрватскиот репрезентативец Бојан Богдановиќ, го одигра најдобриот меч во кариерата, тој постигна 48 поени, на кои придодаде осум скока и две асистенции. Богдановиќ погоди осум тројки од 11 обиди, реализацијата од поле му беше 69,6 отсто.

Ова е најдобра индивидуална партија на еден играч на Јута од 1998 година, кога легендарниот Карл Мелоун против Голден стејт постигна 56 поени.

Кај Јута најблиску до Богдановиќ беше Џордан Кларксон со 21 поен.

На спротивната страна Јокиќ забележа 24 поени, девет скока и 13 асистенции. Најефикасен во редовите на Денвер со 31 поен беше Мајкл Портер јуниор.



Нејмар стави крај на сите шпекулации околу неговата иднина и потенцијалното враќање во Барселона, откако го продолжи договорот со Пари Сен-Жермен до 2026 година, објавува францускиот спортски весник „Л’Екип“.

Според весникот, Нејмар утре ќе го официјализира договорот, со кој ќе остане на „Паркот на принцовите“ вкупно 9 години, откако во 2017 година, богатиот клуб ја плати клаузулата од 222 милиони евра за да го откупи од Барселона, поставувајќи светски рекорд кој уште не е срушен, а со оглед на кризата во која се наоѓаат најголемите европски клубови, тешко дека ќе биде достигната.

Бидејќи има 29 години, со овој договор, тој би останал во ПСЖ речиси до крајот на неговата кариера.

Neymar prolonge ce samedi son contrat avec le PSG jusqu’en 2026

Arrivée en 2017 à Paris, la star brésilienne prolongera ce samedi son contrat de quatre ans. Neymar sera lié au PSG jusqu’en 2026 : https://t.co/Aeg71RJEyB pic.twitter.com/yKN64PO8OC

— L’ÉQUIPE (@lequipe) May 7, 2021