Спорт
Манчини и Гунеш оптимисти: Италија и Турција можат да стигнат до финалето

Вечерва на Олимпискиот стадион во Рим, Италија и Турција ќе го отворат Европското првенство во фудбал. Покрај овие два репрезентации, во А-групата, ќе се натпреваруваат и селекциите на Велс и Швајцарија.
Италија и е фаворит од сенка, Турција е талентирана репрезентација, која може да биде изненадување на континенталниот шампионат.
Италија, во првиот натпревар на ЕУРО 2020, влегува со серија на извонредни резултати. Азурите немаат пораз на последните 27 натпревари. Во групата за пласман на ЕП победи на сите натпревари.
„Првиот натпревар секогаш е најтежок. Мораме да влеземе растоварени, мораме да се ослободиме од притисокот кој го имаме како домаќини. Турција има многу талентирани играчи. Ние имаме одлични играчи и одличен тимски дух. Верувам дека имаме се што ние потребно за да дојдеме до финалето“, рекол италијанскиот селектор, Роберто Манчини.
По мечот со Турција, Италија за четири дена ќе игра против Швајцарија, а на 19.јуни против Велс.
Оптимизам пред почетокот на ЕП владее и во турскиот национален тим. Селекторот Сенол Гунеш, посакува пласман во финалето.
„Не сме фаворити во оваа група, но би сакале да играме во финалето, би сакале таму противник да ни биде Италија. Нашиот репрезентативен пат започна во 2002 година на Светското првенство и ние се уште одиме по тој пат. Италија е квалитетен тим, но има и свои слабости. Сакам мојот тим да го покаже квалитетот, иако ќе биде тешко да се бориме со нив на тактички план. Добро е што имаме играчи кои играат во Серија А. Ова ќе биде дуел на два силни тима, верувам дека можеме да победиме“, рекол Гунеш.
Натпреварот на Олимпико ќе започне во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Европскиот првак на колена пред Грузија

Репрезентацијата на Грузија забележа над бранителот на титулата Шпанија 83:69, во првиот натпревар во Ц групата на 42. Европско првенство во кошарка. Натпреварите во ова група се играта во Лимасол, Кипар. Подоцна ќе играат Кипар-Босна и Херцеговина и Италија-Грција.
Шпанија со видно изменет состав допатува на Евробаскетот и уште во првиот меч се покажа дека ќе очекува тежок пат. Грузија, од првата до последната секунда го контролираше натпреварот. Шпанците само еднаш водеа, во финишот на прворо полувреме.
Грузија во првиот период стеква двоцифрена предност а откако Шпанците се вратија во натпреварот, предноста на Грузините се движеше најчесто од четири до осум поени.
Во завршницата кога Гога Ботадзе постигна осум поени во серија, Грузија дојде до плус од 16 поени и го реши победникот.
Мамукелашвили ги предводеше Грузијците со 19 поени, седум скока и шест асистенции, Битадзе имаше 15 поени, Шенгелија 13 за 20 минути на паркетот, Болдвин постигна 12 поени, додека Санадзе сите 11 поени ги постигна во првото полувреме.
На спротивната страна, Хуанчо имаше 13 поени, Алдама 12 (5/15) од поле, а Бризуела уфрли 11.
Foto/ EPA/GEORGI LICOVSKI
Спорт
Колку е лош Јунајтед на Рубен Аморим?

Мандатот на Рубен Аморим во Манчестер јунајтед стана синоним за неуспех. „Црвените ѓаволи“ синоќа го допреа дното, испаднаа во второто коло во Лига купот од членот на Четвртата лига, Гримзби, што се смета за историски неуспех.
Рубен Маорим, донесен да го стабилизира тимот, стана најлошиот менаџер во поновата историја на славниот клуб. Катастрофата на Јунајтед под Аморим ја покаѓуваат и бројките.
Катастрофата против Гримзби достигнува епски размери бидејќи летово Јунајтед на засилувања потрошија 200 милиони фунти.
Аморим победил на само 24,7 отсто од натпреварите во Премиер лигата, што е најлош учинок на кој било менаџер на Јунајтед по заминувањето на Сер Алекс Фергусон.
За споредба, често критикуваниот Дејвид Мојес имаше половичен успех, победи на 50 отсто од натпреварите, додека Жозе Мурињо е убедливо најдобар со 58,3 отсто победи.
Јунајтед победи само на седум од 29 лигашки натпревари под водство на Аморим, односно тимот победува на еден од четири натпревари, учинок што му доликува на тим во зоната за испаѓање.
Минатата сезона беа освоени само 42 бода, најмалку во историјата на клубот во Премиер лигата, додека 15-то место на табелата е најлошата позиција откако лигата се игра во овој формат.
Тимот постигна само 44 гола во текот на целата сезона, соборувајќи уште еден негативен рекорд.
Јунајтед ретко постигнувал голови во првата половина од натпреварите, во петте најдобри европски лиги, само Џенова била понеефикасна во првите 45 минути од почетокот на сезоната 2024/25.
Фактот дека Аморим има водено повеќе натпревари во Премиер лигата (29) отколку што има добиено (28) е особено разочарувачки.
Во домашните купови и во Европа, против англиски клубови, Аморим има само една победа од пет натпревари, против Арсенал на пенали во ФА Купот.
Тие беа поразени од Тотенхем (двапати), Фулам и во среда од четвртолигашот Гримсби.
Извор/ Би-би-си
Спорт
Милан експресно го договори трансферот на Нкунку

Челзи и Милан експресно го договрија трансферот на напаѓачот Кристофер Нкунку.
Клубовите го договорија трансферот за помалку од 24 часа. Двете страни се согласија за обештетување од околу 35 милиони евра.
Што се однесува до Нкунку, тој ќе потпише петгодишен договор со „росонерите“. Потенцијалниот француски репрезентативец е седмото засилување на Милан, но преодниот рок сè уште не е завршен. Тие би сакале да доведат уште еден напаѓа и стопер на „Сан Сиро“. Главни кандидати во моментов се Душан Влаховиќ и Артим Довбик, односно Мануел Аканџи.
Нкунку дојде во Челзи како големо засилување во 2023 година од РБ Лајпциг за 60 милиони евра. За две сезони, тој одигра 62 натпревари и постигна 18 голови.