По Рандал Коло Муани (26), Јувентус го комплетираше и трансферот на португалскиот дефанзивец Алберто Кошта (21), кој во Торино дојде од Виторија Гимараеш.

Португалецот веќе е во Торино каде ќе ги мине лекарските прегледи и ќе ги заврши сите потребни формалности за потпишување договор со италијанскиот гигант. Истиот ден, Коло Муани ќе ја финализира својата преселба во Јуве и ќе се стави на располагање на тренерот Тиаго Мота.

Јувентус ќе и плати на Виторија 13 милиони евра за 186 сантиметри високиот централен дефанзивец, кој може да игра и како десен бек.

Кошта од почетокот на кариерата е во Виторија Гимараеш каде што се разви во еден од најперспективните дефанзивци во португалското првенство.

Ракометарот на Португалија, Мигел Мартинс нема да игра за својата репрезентација на Светското првенство во Данска, Норвешка и Хрватска. Играчот на дански Олборг, неколку часа пред првиот натпревар на Португалија против САД паднал на допинг тестот.

Мартинс е еден од најдобрите играчи во португалската репрезентација, има постигнато 243 гола на 108 настапи. Од актуелниот состав повеќе голови од неги постигнале само Педро Портела (483), Фабио Магалхаес (351) и Антонио Ареја (285).

Неговиот клуб, Олборг, објави дека Мартинс нема да игра на 29.Светско првенство.

„Секако дека тоа е голем шок за нас. Веднаш стапивме во контакт со Мигел, кој е збунет исто како и ние и инсистира дека не направил ништо нелегално. Тој веднаш побара да му биде направен „Б“ тест, за да докаже дека не направил ништо нелегално, но сигурно е дека нема да учествува на Светското првенство“, изјави директорот на Олборг, Јан Ларсен и додаде:

Наместо Мартинс, селекторот на португалската репрезентација Пауло Переира го повика Мигел Оливеира од Порто.

Мартинс оваа сезона за Олборг постигна 22 гола и забележа осум асистенции на 10 натпревари во Лигата на шампионите. Португалците денеска од 18 часот ќе го отворат Мундијалот со против САД. Во оваа група подцна ќе играат Норвешка и Бразил.

Манчестер сити дефинитивно ќе го одбележи јануарскиот преоден рок. Медиумите открија дека Омар Мармуш ќе биде третото засилување оваа зима. Според овие извори детали го делат репрезентативецот на Египет од прселба на „Етихад“.

Флоријан Плетенберг откри дека Сити нуди 70 милиони, Ајнтрахт бара 80, па сигурно е дека „граѓаните“ ќе понудат дополнителни бонуси за затворање на зделката во следните 48 часа.

Тој додава дека сигурно е дека Мармуш нема да биде во составот на Ајнтрахт за дуелот со Борусија Дортмунд и дека до викендот би можел да слета во Манчестер на лекарски прегледи и потпишување договор до 2029 година.

Фабрицио Романо потсетува дека во следните 48 часа ќе потпише и Абдукодир Хусанов, веднаш штом добие работна дозвола, а по него е Витор Реис од Палмеирас.

Сити за Хусанов на Ленс ќе му плати 40 милиони евра, а исто толку на Палмеирас за Реис.

Гвардиола ќе добие млади дефанзивци на возраст од 19 и 20 години и очекува тој да се обиде да го игра Бразилецот како десен бек или десен стопер во формација со тројца централни дефанзивци.

Манчестер сити за овие три трансфери ќе издвои 150 милиони евра.