Спорт
Маркињос го поддржа Мбапе, ПСЖ го стави на трансфер-листата
Килијан Мбапе одби да го продолжи договорот со ПСЖ и францускиот шампион реши да го продаде. Во ПСЖ не сакаат нивниот напаѓач на крајот на сезоната да замине без оштета, како слободен играч.
Поради одлуката да не го продолжи договор, Мбапе создаде токсична атмосфера во клубот. На своја кожа тоа го почувствува капитенот Маркињос. Бразилецот на прес-конференцијата изјави дека сака да продолжи да игра покрај Мбапе и со тоа ги налути челниците на клубот. Веднаш реагираа и решија да г стават на трансфер-листата.
Веста ја пренесува фудбалскиот портал „Goal.com“, со објаснување дека ПСЖ решиле да го продадат Маркињос бидејќи неговата реакција била протолкувана како недостиг на поддршка за клубот во моменталната ситуација.
Маркињос е член на ПСЖ од 2013 година и има одиграно повеќе од 400 натпревари за клубот откако пристигна од Рома.
„Трансфермаркт“ го проценува стоперот на бразилската репрезентација кој има 29 години на 65 милиони евра, а е под договор до летото 2028 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Роналдо: Не бркам рекорди, тие ме бркаат мене
Португалскиот фудбалер Кристијано Роналдо успеа да собори два рекорди во Саудиска Арабија.
Тој постигна два гола за Ал Наср против Ал Итихад. Сезоната ја заврши 35 гола, што никогаш никој не го постигна во саудиската лига.
Исто така, Роналдо стана единствениот играч кој бил најдобар стрелец во четири различни национални шампионати.
Роналдо тоа го направи прво во Премиер лигата, како играч на Манчестер јунајтед, потоа во Ла Лига како член на Реал Мадрид, а исто така и во Серија А со Јувентус.
Откако го собори рекордот, се огласи на социјалната мрежа „X“, пораешен „Твитер“.
„Јас не бркам рекордите, тие ме бркаат мене“.
Ал Наср сезоната ја заврши на второто место, со шест бода помалку од шампионот Ал Хилал.
Спорт
Капитенот на Џирона ќе биде првото засилување за Баер Леверкузен
Баер Леверкузен во голем стил, без пораз, ја освои двојната круна во Германија. чаби Алонсо, реши да остане во Леверкузен во наредната сезона и според германските медиуми го договорил првото засилување. Нов член на Баер ќе стане капитенот на Џирона, Алеиш Гарсија.
Шпанецот оваа сезона експлодираше и беше еден од предводниците на тимот кој обезбеди историски пласман во Лигата на шампионите.
Гарсија беше поврзуван и со Барса, но Чаби Алонсо ја искористи нерешителноста на Каталонците.
Алонсо, лично побарал од клупските челници да го доведат 26-годишниот играч за врска, кој е по негов вкус, бидејќи игра во двата правци.
Отштетата нема да надмине 20 милиони евра.
Алеиш Гарсија оваа сезона одигра 40 натпревари, постигна три гола и забележа шест асистенции.
Инаку, Алеиш Гарсија пристигна во Џирона во летото 2021 година како слободен играч од Еибар. Помина низ академијата на Манчестер сити, а играше во Џирона на почтокот на кариерата на позајмица. Подоцна замина на позајмица во Мускрон и Динамо Букурешт.
Спорт
Терзиќ: Во еден натпревар можеме да го победиме Реал
Реал Мадрид и Борусија Дортмунд во сабота од 21 часот ќе го играат финалето на Лигата на шампионите на Вембли.
Един Терзиќ, тренерот на клубот од Дортмунд кој го освои петтото место во Бундес лигата, верува дека можат да го победат Реал.
„Ќе се соочиме со исклучително силен тим кој често игра вакви финалиња, но знаеме дека се е можно во еден натпревар“, изјави Терзиќ за интернет страницата на УЕФА.
„Да играме десет пати со Реал Мадрид, веројатно ќе беше тешко да дојдеме до вкупна победа, но на еден натпревар, во текот на 90 или 120 минути или пенали, можеме да го победиме секој противник во светот“, додаде Терзиќ.
Реал е фаворит во Лондон, во сабота ќе го игра шесто финале во Лигата на шампионите во последните десет години.
Терзиќ, кој го води жолто-црниот тим од летото 2022 година, повтори дека сезонава веќе успеале да ги победат Њукасл, Милан, ПСВ, Атлетико Мадрид и ПСЖ.
„Од натпревар во натпревар ни беше се потешко, а сега кога стигнавме до тука сакаме да го направиме и овој последен чекор“, истакна Терзиќ.
Терзиќ признава дека му недостига искуството што го има неговиот ривал Карло Анчелоти (64). Италијанецот четири пати ја освојувал Лигата на шампиони.
„Иако сум тренер половина од мојот живот, сепак сум млад во оваа работа“, изјави Терзиќ, кој е три години постар од Лука Модриќ од Реал. Ова е негово прво финале во Лигата на шампионите.
Терзиќ е убеден дека Борусија може да стане европски првак доколку неговиот тим покаже „оптимизам, заедништво, борбеност и храброст“.