Александар Усик (34) од Украина е новиот светски првак во тешка категорија. Предизвикувачот, пред 70.000 гледачи на Тотенхем арена, во Лондон, Усик го победи Ентони Џошуа. Украинецот ги освои титулите во верзиите ВБА, ВБО, ИБО и ИБФ.

Усик, доминираше во најголемиот дел од борбата. До победата дојде со одлука на судиите по 12 рунди.

Ова беше борба на двајца поранешни олимписки шампиони. Во 2021 година, во Лондон, Усик победи во тешка, а Џошуa во супер-тешка категорија.

Реал Мадрид и Виљареал одиграа натпревар без голови, во рамките од седмото коло коло во Примера. Реал прв пат сезонава не постигна гол, а втор пат ремизираше, додека Виљареал со натпревар помалку, петти пат одигра нерешено.

Гостите од Виљареал, беа подобриот тим на теренот во текот на сите 90.минути. Двете најдобри шанси ги имаа преку Данјума, но неговите удари успеа да ги скроти Куртоа.

Реал најдобрата шанса ја имаше во самиот финиш, кога Иско се обиде, но неговиот удар со глава не го најде патот до голот на Рули.

И покрај ремито, Реал останува лидер во Примера со 17 бодови, Виљареал се деветти со осум бодови. Двата тима се уште немаат пораз.

Јирген Клоп, менаџеорт на Ливерпул, по лудото реми со Брентфорд (3:3), изјавил дека неговиот тим можел да постигне повеќе голови, но дека противникот го заслужил бодот.

„Луд натпревар. Тие заслужија да постигнат три гола. Ние? Можевме повеќе“, рекол Клоп.

„Не ни претставува проблем да го прифатам овој резултат кога се игра ваков фудбал. Победата мора да се заслужи. Тие ни пружија отпор, го почитувам тоа. На крајот, имаше ситуации во кои требаше да реагираме многу подобро, во тој случај натпреварот ќе имаше поинаков тек. Нивниот голман треба да дресот да ја носи ‘десетката’. Одигра неколку неверојатни топки, тоа беше вистинска тактика против нас. Нема причина да се жалиме“, рекол Германецот.

По шест кола во Премиер лигата, Ливерпул е единствениот тим беа пораз. Со 14 бода, Ливерпул е лидер на табелата.