Спорт
Мбапе одбил огромен бонус од ПСЖ
Напаѓачот на ПСЖ, Килијан Мбапе одбил бонус што можел да го добие од клубот, пренесува „RMC Sport“.
Според овој извор, 24-годишниот француски репрезентативец нема да го добие бонусот од 80 милиони евра што му следува според актуелниот договор што го има со клубот.
Мбапе на овој начин сакал да покаже дека парите не му се на прво место.
Напаѓачот, кој оваа сезона во француското првенство постигна 13 гола на 11 натпревари, има договор со ПСЖ до крајот на актуелната сезона.
Kylian Mbappé this season ❤️🔥
⚽ 13 goals in 11 Ligue 1 matches
⚽ 15 goals in 15 games with PSG
⚽ 18 goals in 16 matches for club and country pic.twitter.com/pXJelZZvVX— Ligue 1 English (@Ligue1_ENG) November 11, 2023
Медиумите веќе со години пишуваат дека Реал Мадрид е заинтересиран за Мбапе, а последниот демант дека зделката е завршена дојде неодамна од „Сантијаго Бернабеу“.
24-годишниот Французин дојде во ПСЖ на позајмица од Монако во 2017 година, а следната година парискиот клуб го откупи неговиот договор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дончиќ и Ирвинг за брејк на Далас против Минесота
Далас Маверикс ја совлада Минесота Тимбервулвс со 108:105 во првиот натпревар од финалето на Западната конференција.
Лука Дончиќ блескаше во „Таргет центарот“ и со 15 поени во четвртата четвртина беше најзаслужен за победата на тимот.
Дончиќ го заврши натпреварот со 33 поени, шест скока и осум асистенции, а имаше и три украдени топки, една блокада и четири загубени топки.
Го следеше одличниот Кајри Ирвинг со 30 поени, пет скока и четири асистенции. Ирвинг 24 поени постигна во првото полувреме.
Кај поразениот тим МекДаниелс постигна 24 поени, Едвардс 19 (6-16), Таунс 16, а Рид 15.
Следниот натпревар се игра ноќта меѓу петок и сабота од 02:30 часот.
Спорт
Депај спогодбено ќе се раздели со Атлетико
Репрезентативецот на Холандија Мемфис Депај по завршувањето на сезоната ќе го напушти Атлетико Мадрид. Шпанците тврдат дека тој се договорил со клубот за спогодбен раскин на договорот.
Депај во Атлетико дојде на сличен начин во јануари 2023 година, кога се раздели со Барселона.
Депај е убеден дека со добри настапи на Европското првенство ќе си ја крене цената и дека повторно ќе може да игра во голем клуб.
Тој постигна девет гола и додаде две асистенции на 31 натпревар оваа сезона, но поради честите повреди не беше прва опција во нападот на Диего Симеоне.
Спорт
Мерцедес нема намера да го ангажира Саинц
Карлос Саинц ќе го загуби своето место во Ферари во 2025 година бидејќи тимот од Маранело го ангажираше Луис Хамилтон. Шпанецот нема голем простор за маневар околу тоа каде ќа ја продолжи кариерата.
Медиумите шпекулираа дека токму тој ќе го замени Хамилтон во Мерцедес, но според последните информации овој тим нема намера да го ангажира Карлос Саинц.
„Скај спортс“, дознава дека Мерцедес не размислуваат да го доведат Шпанецот, не затоа што мислат дека е лош возач, туку затоа што не сакаат да избрзуваат со потпишувањето.
Имено, Крег Слејтер, новинар на „Скај спортс“, во Монте Карло дознал дека Мерцедес сака да види какви опции има со Макс Ферстапен. Доколку тоа е далеку од реализација, а лесно би можело да биде така, Мерцедес би го ангажирал младиот Италијанец Кими Антонели, кој во август ќе наполни 18 години.
Ред Бул исто така не е реална опција за Саинц.
„Скај спортс“, дознава дека Саинц е најблиску до потпис за Ауди, кој ќе влезе во Формула 1 во 2026 година. Тогаш Карлос би добил голема плата од новиот конструктор.