Daily news
Денвер на чекор од Портланд, трипл-дабл на Леброн, Томпсон и Дејвис броеја до 41
![](https://makfax.com.mk/wp-content/uploads/2017/04/utah.jpg)
Во сенка на историското остварување на Раел Вестбрук, изминатата ноќ во НБА лигата, се одиграа уште девет други натпревари. Леброн Џејмс забележа трипл-дабл на мечот со Орландо, Клеј Томпсон постигна 41 поен за Голден Стејт, Денвер и Портланд ја продолуваат борбата за осмата позиција во Западната конференција, а тимот на Бруклин против Филалдефија постигна 141 поен.
Кливленд одигра одлична трета четвртина против Орландо која ја доби 43:20, која на шампионот му го трасира патот до победата 122:102. Леброн Џејмс со 12-от сезонски трипл-дабл го предводеше тимот до победата. Џејмс имаше учинок од 18 поени и по 11 скокови и асистенции.
https://www.youtube.com/watch?v=4omtus-VNgY
Клеј Томпсон постигна 41 поен (7/14 за три) и го предводеше најдобриот тим во лигата, Голден Стејт, до победата над Минесота 121:107.
https://www.youtube.com/watch?v=1CpDm79jnfU
Бруклин гостуваше во Филалдлефија, постигна 81 поен во првото полувреме, а на крајот победи 141:118. Брук Лопез и Џереми Лин постигнаа по 16 поени за Бруклин, во чии редови сите кошаркари се запишаа во листата на стралци.
Денвер и Портланд ја продолжија борбата за осмата позиција на Западот, која носи дуел со Голден Стејт во првото плејоф коло.
Денвер забележа победа над Њу Орлеанс 134:131, додека Портланд загуби во Солт Лејк Сити од Јута 106:87.
Целиот тим на Денвер, со исклучок на Кенет Фарид, постигна двоцифрен број на поени, најефикасни беа Галинари со 28, Херис со 23 и Јокиќ со 21 поен, 14 скокови и 7 асистенции.
Њу Орлеанс го предводеа центрите, Дејвис постигна 41 поен, а Казинс забележа 30 поени, 14 скокови и 9 асистенции.
Портланд немаше решение за хејворд (30 поени) и Гобер (20 поени, 11 скокови) и загуби убедливо од Јута. Најдобар во редвоте на Портланд беше Мекалум со 25 поени.
Денвер има скор од 37 победи и 40 порази, односно има една победа и еден натпревар помалку од Портланд кој е на 38 победи и 40 порази.
https://www.youtube.com/watch?v=HwwyrYxrdZM
На другите натпревари: Вашингтон славеше над Шарлот 118:111, Чикаго загуби во Њујорк 100:91, Сан Антонио одигра едно продолжение и го совлада Мемфис 95:89, Индијана, во чии редови Пол Џорџ забележа 35 поени и 10 скокови, го совлада Торонто 108:90, а Сакраменто беше подобар од Далас 98:87. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.