Спорт
Меси e подобар од Роналдо за речиси 18 милиони долари
Лионел Меси е на првото место на листата на најдоброплатени спортисти на светот на магазинот „Форбс“, а фудбалерите доминираат во 2019 година.
Напаѓачот на Барса заработил 127 милиони долари во комбинација на платите и рекламните договори, 18 милиони долари повеќе од Роналдо (109 милиони долари). Нејмар, и покрај сезоната за заборав, има 105 милиони долари, од кои 75 милиони долари во плата, 10 милиони повеќе од Роналдо, но Меси доминира со 92 милиона долари од платата од каталонскиот клуб.
Меси си ги зголемил приходите со 16 милиони долари во последните 12 месеци – во 2018 заработил 111 милиони долари, со што беше втор зад Флојд Мејведер Јуниор (285 милиони долари).
Мексиканскиот боксер Саул (Канело) Алварез е најбогатиот спортист кој не е фудбалер на листата, со 94 милиони долари, а петти на листата е Роџер Федерер со 93,4 милиони долари, од кои дури 86 милиони долари од реклами.

ТОП-10 НАЈПЛАТЕНИ СПОРТИСТИ ВО 2019
1. Лионел Меси (Аргентина), фудбал, 127 милиони долари
2. Кристијано Роналдо (Португалија), фудбал, 109 милиони долари
3. Нејмар (Бразил), фудбал, 105 милиони долари
4. Саул Алварез (Мексико), бокс, 94 милиони долари
5. Роџер Федерер (Швајцарија), тенис, 93,4 милиони долари
6. Расел Вилсон (САД), американски фудбал, 89,5 милиони долари
7. Арон Роџерс (САД), американски фудбал, 89,3 милиони долари
8. Леброн Џејмс (САД), кошарка, 89 милиони долари
9. Стивен Кари (САД), кошарка, 79,8 милиони долари
10. Кевин Дурент (САД), кошарка, 65,4 милиони долари
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Сосиедад го отпушти тренерот Франциско
Реал Сосиедад во неделата објави дека го отпуштил тренерот на тимот, Серхио Франциско.
Разделбата следеше по серија лоши резултати од почетокот на сезоната и само 16 освоени бода од тимот во 16 натпревари.
Последната капка за незадоволството на раководството на Баскијците беше поразот од Џирона дома (1:2), трет по ред во првенството.
Сосидад има само два бода повеќе од првиот тим „под линијата“.
Тимот ќе го предводи тренерот на резервниот тим, Јон Ансотеги, сигурно во следните два натпревари, против Елденсе во Купот и Леванте во првенството.
Франциско е третиот тренер кој е отпуштен од почетокот на сезоната во Ла Лига, по Јулијан Калер (Леванта) и Вељко Пауновиќ (Овиедо).
Foto/ EPA
Спорт
Кикс на Милан против Саусоло
Фудбалерите на Милане не успеаја да го победата Сасуоло во 15-то коло, во Серија А. Во првиот меч од неделната програма, на „Сан Сиро“ во Милано заврши без победник 2:2. Сасуоло е „црна мачка“ за Милан во последните неколку сезони, на последните шест натпревари против овој противник росонерите имаат само една победа.
Дека, Сасуоло ќе биде „тврд орев“ за лидерот на табелата, покажа кога Коне им донесе предност на годите.
Милан изедначи со голот на Бартезаки во првиот дел, а истиот играч, во 47-та минута го комплетираше пресвртот. Бартесаки стана најмладиот стрелец за Милан, од дефанзивната линија, уште од легендарниот Паоло Малдини.
До израмнувачкиот гол на Лориенте во 77-та минута, на Милан му беа поништени два гола. Првиот е дискутабилен, ВАР пресуди дека Луфтус-Чик направил фаул, вториот на рабио е оправдано поништен.
Можеше Сасуоло да го шокира Милан, но ударот на Лориете во 89-та минута заврши во стативата.
Милан сега има 31 поен, но до крајот на денот може да биде престигнат од Наполи и Интер. Наполи гостува кај Удинезе, а Интер во Џенова.
Foto/ Depositphotos
Спорт
Ако вечерва не победи, Чаби АЛонсо ќе добие отказ
Чаби Алонсо е на „тенок мраз“ во Реал Мадрид, а гласините за негова замена стануваат сè погласни.
Извори блиски до клубот, тврдат дека Флорентино Перез донел одлука дека во случај на лош резултат против Алавес на гостински терен, Чаби Алонсо повеќе нема да седи на клупата, туку ќе биде заменет од Алваро Арбелоа.
Тренерот на Реал Кастиља, вториот тим на Мадрид, е единственото логично решение во овој момент, ако се земе предвид дека другите великани кои се слободни – Зинедин Зидан и Јирген Клоп, се недостапни, односно не сакаат да го наследат Чаби Алонсо.
Алваро Арбелоа е војник на клубот, тој беше долгогодишен член на првиот тим од 2009 до 2016 година, а неговата тренерска работа во вториот тим е исклучително ценета.
Арбелоа беше споменат претходно како потенцијално преодно решение, односно дека ќе добие шанса да ја заврши сезоната напред, а потоа на лето, во завосност од резултатите би се разговарало за неговата иднина.
Да ве потсетиме, по поразот од Манчестер Сити, играчите на Реал Мадрид јавно признаа дека се со Чаби Алонсо, ја презедоа одговорноста за лошите резултати и лошата игра, а факт е дека ќе мора да го остават егото настрана и да се прилагодат на тактичките замисли на тренерот.
Многу извори пишуваат дека новиот тренер нема да направи ништо освен ако не се промени ставот на играчите и ако не се стават во служба на тимот, почнувајќи од вечерва во Виторија.
Натпреварот помеѓу Алавес и Реал Мадрид е закажан за недела во 21:00 часот.

