Спорт
Меси e подобар од Роналдо за речиси 18 милиони долари

Лионел Меси е на првото место на листата на најдоброплатени спортисти на светот на магазинот „Форбс“, а фудбалерите доминираат во 2019 година.
Напаѓачот на Барса заработил 127 милиони долари во комбинација на платите и рекламните договори, 18 милиони долари повеќе од Роналдо (109 милиони долари). Нејмар, и покрај сезоната за заборав, има 105 милиони долари, од кои 75 милиони долари во плата, 10 милиони повеќе од Роналдо, но Меси доминира со 92 милиона долари од платата од каталонскиот клуб.
Меси си ги зголемил приходите со 16 милиони долари во последните 12 месеци – во 2018 заработил 111 милиони долари, со што беше втор зад Флојд Мејведер Јуниор (285 милиони долари).
Мексиканскиот боксер Саул (Канело) Алварез е најбогатиот спортист кој не е фудбалер на листата, со 94 милиони долари, а петти на листата е Роџер Федерер со 93,4 милиони долари, од кои дури 86 милиони долари од реклами.
ТОП-10 НАЈПЛАТЕНИ СПОРТИСТИ ВО 2019
1. Лионел Меси (Аргентина), фудбал, 127 милиони долари
2. Кристијано Роналдо (Португалија), фудбал, 109 милиони долари
3. Нејмар (Бразил), фудбал, 105 милиони долари
4. Саул Алварез (Мексико), бокс, 94 милиони долари
5. Роџер Федерер (Швајцарија), тенис, 93,4 милиони долари
6. Расел Вилсон (САД), американски фудбал, 89,5 милиони долари
7. Арон Роџерс (САД), американски фудбал, 89,3 милиони долари
8. Леброн Џејмс (САД), кошарка, 89 милиони долари
9. Стивен Кари (САД), кошарка, 79,8 милиони долари
10. Кевин Дурент (САД), кошарка, 65,4 милиони долари
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јамал е меѓу 10-те најплатени во светот, листата ја предводи Роналдо

18-годишниот фудбалер на Барселона и шпански репрезентативец Ламин Јамал влезе на листата на најплатени фудбалери. Магазинот „Форбс“, објави ранг-листа на која Јамал е на 10-то место, со заработка од 37 милиони евра во изминатата сезона.
Најголемата причина за таков скок на заработката на Јамал се потпишаните договори за спонзорство со голем број познати компании (Adidas, Konami, Powerade и Beats by Dre – брендот за слушалки порзан со музичкиот продуцент и поранешен рапер Др. Дре).
Јамал постигна 18 гола и забележа 25 асистенции минатата сезона.
Минатата година го освои Европското првенство со Шпанија и титулата шпански шампион и Кралскиот куп со Барселона. Тој потпиша и нов договор, кој го обврзува со Барселона до 2031 година.
Кристијано Роналдо е сè уште прв на листата на „Форбс“.
Португалецот заработи 240 милиони евра минатата сезона во Саудиска Арабија, играјќи за Ал Наср. На второто место е Лионел Меси со значително помала заработка од 110 милиони евра.
Рангирањето на најплатените фудбалери во последната сезона според Форбс:
1. Кристијано Роналдо (Ал-Наср): 240 милиони евра
2. Лионел Меси (Интер Мајами): 110 милиони евра
3. Карим Бензема (Ал-Итихад): 89 милиони евра
4. Килијан Мбапе (Реал Мадрид): 81 милион евра
5. Ерлинг Халанд (Манчестер Сити): 60 милиони евра
6. Винисиус Жуниор (Реал Мадрид): 51 милион евра
7. Мохамед Салах (Ливерпул): 47 милиони евра
8. Садио Мане (Ал-Наср): 37,5 милиони евра
9. Џуд Белингам (Реал Мадрид): 37,5 милиони евра
10. Ламин Јамал (Барселона): 37 милиони евра
Спорт
Барселона води интензивни преговори со Влаховиќ

Душан Влаховиќ (25), напаѓач на Јувентус и српската репрезентација и најскапиот фудбалер во историјата на таа земја, би можел да се пресели во Барселона во јануари.
Италијанските и шпанските медиуми пишуваат дека преговорите меѓу актуелниот шампион на Шпанија и централниот напаѓач на Јуве започнале во летниот преоден рок, но разговорите меѓу спортскиот директор на Барса, Деко, и менаџерот на Влаховиќ, Дарко Ристиќ, се интензивирале во последно време.
Истите извори додаваат дека се очекува преговорите да станат уште поконкретни до јануари. Причината за ова е што договорот на Влаховиќ со Јувентус истекува на лето.
Планот на Деко е да го донесе наредното лето без обесштетување, но доколку постои шанса да го добие напаѓачот по дисконтна цена во јануари, тогаш во игра е и таа опција.
Влаховиќ е интересен за Барселона од две причини. Поради тешката финансиска ситуација бара напаѓач за кого ќе плати минимално или никакво обештетување. Исто така, клубот мора да најде напаѓач бидејќи договорот на Роберт Левандовски исто така истекува на лето, а тој има 37 години и штотуку претрпе сериозна повреда.
Затоа Барса го гледа Влаховиќ, кој е 12 години помлад и лесно достапен, како совршена замена за полската легенда.
Покрај тоа, Влаховиќ веќе некое време сака да го напушти Јувентус. Јувентус го донесе од Фиорентина во јануари 2022 година со надомест од 83,5 милиони евра, што го прави најскапиот српски фудбалер на сите времиња. Оттогаш, Влаховиќ постигна 62 гола и на 153 натпревари за Јувентус.
Спорт
Јувентус го прекрши финансискиот фер-плеј, УЕФА покрена постапка

Јувентус потврди дека Европската фудбалска унија (УЕФА) покрена постапка против клубот за кршење на финансискиот фер-плеј и очекува да биде казнет.
Јувентус очекува да биде казнет за кршење на правилата на УЕФА, што може да доведе до забрана или ограничување за потпишување нови играчи во сезоната 2026/27, објавија италијанските медиуми.
Црно-белите го потврдија прекршувањето во соопштение поврзано со објавувањето на билансот на состојба за финансиската година што заврши на 30 јуни 2025 година, бидејќи документацијата содржеше потврда дека клубот прекршил параметар од Правилото за заработка на фудбалерите.
На 18 септември, Јувентус доби потврда од УЕФА дека е покрената постапка против клубот за потенцијални прекршувања на правилата во периодите 2022/23 и 2024/25.
Исходот од таа постапка се очекува напролет 2026 година и може да доведе до казна, која не би била голема. Позагрижувачко би било воведувањето ограничувања за потпишување нови играчи за натпреварувањата на УЕФА.
Клубот од Торино во соопштение потврди дека нема понатамошни значајни прекршувања на правилата за финансиски фер-плеј.
Клубот се држеше до коефициентот на трошоци за играчи од 80 проценти за 2024 година и е на добар пат да го исполни ограничувањето од 70 проценти за 2025 година.
Јувентус беше исфрлен од Конференциската лига во сезоната 2024/25, што им овозможи да се ослободат од финансиските неправилности што ги чинеа бодови во Серија А.