Комплетирани се чевртфиналните двојки во Лига Европа. Последните два патника на Ф8 турнирот во Келн се премиерлигашот Вулверхемптон и швајцарски Базел.

Фудбалерите на Базел целата работа ја завршија уште пред пандемијата со коронавирусот кога со убедливи 3-0 славеа во Франкфурт, кај тимот на Ајнтрахт. Вечерашниов реванш беше саму рутина што треба да се одработи.

Базел и во вториот меч забележа победа, со 1-0 со голот на Фреј во 88 минута.

Многу повеќе драма и тензија имаше на мечот во Англија. Првиот меч меѓу Олимпијакос и Вулверхемптон во Атина заврши нерешено 1-1.

Вечерва домаќините рано успеаја да стигнат до предност. Хименез уште во 9 минута, од пенал погоди за 1-0.

Многу контроверзи ќе има за поништениот гол на гостите од Грција во 29 минута. Олимпијакос израмни на 1-1, но по ВАР асистенција, голот беше поништен. Прашање е дали Камара навистина беше во недозволена позиција.

Иако гостите имаа повеќе од играта на овој меч, сепак не успеаја да постигнат погодок со кој ќе се отидеше во продолженија и евентуални пенали.

Четвртфиналните дуели во ЛЕ сега се:

Вулверхемптон – Севилја
Манчестер (Ј) – ФЦ Копенхаген
Интер – Баер (Л)
Базел – Шахтјор (Д)

Напаѓачот на Рома, Един Џеко беше лут и разочаран по поразот од Рома во осминафиналето на ЛЕ. „Волчицата“ со 2-0 загуби од Севилја на неутрален терен во Дуисбург.

„Воопшто не немаше на мечот, од првата до последната минута. `Не изедоа` на секој дел од теренот. Подобро беа подготвени и играа подобро. Постојано вршеа притисок и не можевме да играме. Не забележавме дека не можеме да играме од задната линија туку дека мораме да играме со долги топки до мене. Сепак 90 минути игравме од задната линија, ништо не разбравме“ – рече Џеко.

Овој меч за него беше големо разочарување, а прстот го впери и кон тренерот Фонсека.

„Мора да се запрашаме каде сме и што сме. Ова беше многу лошо. Разочаран сум затоа што игравме многу лошо, воопшто не бевме во мечот“ – рече голгетерот од БиХ.

Велшкиот фудбалер Герет Бејл самиот барал да не биде во составот на Реал Мадрид на утрешното гостување на „Итихад“ во реванш осминафиналниот дуел против Манчестер Сити, изјави денеска кормиларот на Кралскиот клуб.

„Беше тоа приватен разговор со него. Останатото е меѓу него и мене, но рече дека не сака да игра“ – рече кратко Зинедин Зидан.

Бејл последен пат во игра беше на 24 јуни, оттогаш камерите ги следат неговите лудории на клупата за резерви.

Фудбалерите на Реал Мадрид утре во Манчестер со почеток од 21 часот го играат мечот на кој ќе се обидат да го надополнат заостанувањето од 2-1 по првиот меч одигран на „Бернанеу“ пред паузата која настана поради пандемијата со коронавирусот.