Марк Геи официјално стана играч на Манчестер Сити.

Само неколку минути го делеа англискиот репрезентативец од потпис за Ливерпул во август. Тогаш трансферот му пропадна, се очекуваше дека по завршувањето на сезоната, како слободен играч да се пресели на „„Енфилд“, но Сити реши да се вмеша во трката и му ја расипа зделката на Ливерпул.

Геи потпиша договор со Манчестер Сити до летото 2031 година.

Дефанзивецот е второто засилување на „Граѓаните“ во јануари, по Антонан Семењо, кој веќе дебитираше за тимот на Пеп Гвардиола.

Сити плати 20 милиони фунти за овој трансфер, а договорот вклучува и клаузула за процент на следната продажба. За Кристал Палас, ова е одлична зделка бидејќи Геи по завршувањето на сеозната ќе го напуштеше клубот како слободен играч.

It's a done deal ✅ pic.twitter.com/dN0gwtzaP8

— Manchester City (@ManCity) January 19, 2026

Разликата во понудата на Сити во споредба со Ливерпул и Баерн, кои исто така беа заинтересирани, се чини дека е неделната плата што Геи ќе ја има во Сити, 300.000 фунти. Што би значело дека Сити подготвил 1,3 милиони месечно или 15,6 милиони фунти годишно.

Талентираниот дефанзивец одигра 188 натпревари за Кристал Палас, постигна 11 голови и го освои ФА Купот.

Легендарниот германски стручњак Јирген Клоп повторно мораше да одговори на гласините за неговото преземање на Реал Мадрид.

Откако Чаби Алонсо беше отпуштен, германските медиуми во неколку наврати истакнуваа дека Клоп е фасциниран од големината на Реал Мадрид и дека тоа е единствениот клуб по Ливерпул што не може да одбие.

Сепак, Клоп ги негира овие наводи, иако не може да гарантира дека нема да се предомисли во иднина.

„Дали сум возбуден затоа што Реал Мадрид е заинтересиран за мене? Не, затоа што тие навистина не покажаа интерес, тоа е само медиумски „хајп“. Јас сум доследен и нема да го сменам мислењето преку ноќ. Секако, никогаш не можам ништо да гарантирам и целосно да го отфрлам, но имам 58 години и сум среќен таму каде што сум“, рече Клоп, кој го води фудбалскиот проект на Ред Бул..

Многумина веруваат дека Флорентино Перез ќе продолжи да врши притисок врз Јирген Клоп во наредните месеци и дека Германецот е апсолутен приоритет по неуспешниот експеримент со Чаби Алонсо.

Foto/ depositphotos

Србија не успеа да ја победи Австрија, во последното коло во групата, загуби со 25:26. Србите сега навиваат за Шпанија, доколку „црвента фурија“ ја победи Германија, Србите одат понатаму, во спротивно го завршија турнирот. За разлика од Србија, Хрватска не дозволи изненадување, ја победи Холандија со 35:29 и доколку вечерва не се случи мега сензација, Шведска да не слави против Грузија, Хрватите се во следната фаза.

Србија и Австрија одиграа тежок меч, со многу борба и впечатокот е дека Австријците имаа повеќе сила во завршницата.

Речиси во текот на целиот натпревар се играше гол за гол. Неколуку пати имаа и едните и другите по два гола предност, но ниту една од селекции не успеа да се одлепи.

На 10 минути до крајот Австрија прв пат стекна предност од три гола, но Србите не се предадоа, благодарение на Пешмалбек кој постигна два гола кога беше најпотребно и голманот Милосављев, кој му одбрани пенал на Билик на 30 секунди до крајот, Србите г задржаа шансите за место во главната фаза.

Кај Србија блескаше Милосављев со 13 интервенции, Немања Илиќ беше најефикасен со шест гола (сите во првото полувреме), Додиќ постигна четири, Којадиновиќ, Пешмалбек и Ѓукиќ по три.

Голманот Мостл ја предводеше Австрија со 12 интервенции, а најефикасен беше Вагнер со шест гола.

Хрватска ја победи Холандија со 35:29 во второто коло од Европското првенство и се приближи до пласман во вториот круг. За да го потврди пласманот, само треба да Шведска да не загуби од Грузија.

Хрватите имаа одредени проблеми со Холанѓаните, особено во првото полувреме, но кога влегоа во вистински ритам, лесно ја обезбедија победата.

Најдобри стрелци за Хрватска беа Иван Мартиновиќ со девет и Звонимир Срна со шест гола. Кај Холанѓаните, Рутгер Тен Велде беше најефикасен со осум гола.