Данска славеше победа над Хрватска 27:25, во последниот меч од третото коло, во Групата 1 на Европското првенство во ракомет. Данците со овој триумф направија голем чекор кон освојување на првото место во групата и ги оставија Хрватите без шанси за пласман во полу-финалето.

Хрватите добро се држеа против актуелните светски шампиони, но немаа сили да направат комплетно изненадување.

Хрватска, успеа да се врати во првиот дел по негативата од четири гола (8:4), да израмни на 10:10, но Данците на полувреме имаа предност 12:11.

Данците на стартот од вториот дел стекнаа предност од три гола, Хрватска се доближи на гол негатива во 42.минута. Гојун тогаш доби исклучување, Данците повторно ја вратија предноста од три гола, која до крајот без проблем ја одржаа.

Микел Хансен осум гола, и Никлас Ландин со 10 одбранија предводеа Данска, кај Хрвстска се истакна Марино Мариќ со осум гола.

Група 1, Табела: Данска 6, Исланд и Франција по 4, Холандија и Црна Гора по 2, Хрватска 0.

Баер Леверкузен ги победи италијанските великани Јувентус и Милан и ја доби трката за потписот на Иранецот, Сердар Азмун. „Фармацевтите“, објавија дека се договориле со Иранецот, кој по завршувањето на сезоната ќе се пресели во Леверкузен како слободен играч.

Зенит, успеа во намерата Азмун да остане во Санкт Петербург до крајот на сезоната. Јуве и Милан беа заинтересирани да го донесат Азмун до крајот на зимскиот преоден рок, меѓутоа Зенит за него бараа 20.000.000 евра.

„Иранскиот Меси“, како што го нарекуваат Азмун, дресот на Зенит го носи од февруари 2019 година, претходно играше за Рубин Казањ.

Азмун со Баер Леверкузен потпиша петгодишен договор.

Иако претходно беше потенцирано дека Новак Ѓоковиќ нема да може да настапи на претстојниот Ролан Гарос доколку не прими вакцина против ковид, тоа се промени. Откако Франција реши да направи промени во политиката во однос на зелените сертификати, најдобриот светски тенисер сега спаѓа под „исклучок“.

Djokovic, ora Parigi apre le porte: green pass come guarito entro sei mesi https://t.co/frueDrs2KI

— La Gazzetta dello Sport (@Gazzetta_it) January 22, 2022

Имено, луѓето кои заболеле од Ковид во последните шест месеци можат непречено да циркулираат во Франција, што значи дека Ѓоковиќ без проблем ќе може да влезе во оваа земја, со оглед на тоа што кон средината на декември добил позитивен тест за Ковид-19.

Тоа значи дека неговиот „пас“ важи барем до средината на јуни, исто колку што ќе трае Ролан Гарос во главниот град на Франција. Ова е најновата одлука на француската влада, која потоа беше потврдена во тамошниот национален парламент.

Сите спортисти од понеделник ќе треба да го имаат на располагање таканаречениот „супер ковид-пасош“ кој се добива доколку се вакцинирани или поминале најмалку 11 дена од закрепнувањето од ковид, а не повеќе од шест месеци од тој датум.

Турнирот во Франција започнува на 22 мај, а завршува на 5 јуни. Новак доби позитивен тест за коронавирус на 16 декември, а Србија има договор со Франција, но и со сите земји од Европската унија, за меѓусебно признавање на сертификатите, па затоа Ѓоковиќ нема да треба да се грижи околу својот престој во Париз до 16 јуни.