Спорт
Најголем успех во кариерата – Марожан преку Руд до четвртфиналето во Шангај
Унгарскиот тенисер Фабијан Марожан (91. на АТП листата) се пласираше во четвртфиналето на Мастерсот во Шангај, откако го елиминира деветтиот светски рекет Каспер Руд.
Руд во овој дел од сезоната не успева да направи континуитет на добри резултати, беше елиминиран во раната фаза во Торонто, Синсинати, Ју-ес опен, додека минатата недела во Пекинг загуби од Карлос Алкараз.
Марожан победи во три сета 7:6, 3:6, 6:4, а мечот траеше два часа и 41 минута.
По големата борба во првиот сет, во кој имаше по еден брејк на двете страни, Марожан остана поконцентриран во тај-брејкот кој го доби со 7:3.
Руд лесно го доби вториот сет, два пати му го одзема сервисот на ривалот и се чинеше дека целосно ја презема иницијативата.
Сепак, решавачкиот сет му припадна на унгарскиот тенисер, а клучен беше деветтиот гем кога Марожан направи брејк и го потврди пласманот во четвртфиналето.
За Марожан ова е прво четвртфинале на турнирите од Мастерс серијата во кариерата. Против Руд ја забележа втората победа против тенисер од Топ 10, во мај годинава на Мастерсот во Рим го победи Карлос Алкараз во два сета.
Марожан за полуфинале ќе се бори против победникот од дуелот Хуркач – Жанг.
Foto/ EPA
1 – Claiming his second top-10 win in as many career matches, Fabian Marozsan has reached his first quarter-final at an ATP event, defeating Casper Ruud in Shanghai. Run.
#RolexShanghaiMasters | @SH_RolexMasters @atptour @ATPMediaInfo pic.twitter.com/Ab5tIySoTe
— OptaAce (@OptaAce) October 10, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.
Спорт
(Видео) Барди погоди од слободен удар
Енис Барди постигна гол за Трабзон, но неговиот клуб доживеа пораз од Самсин 3:1.
Капитенот на македонската репрезентација, во 32.минута погоди од слободен удар, ја намали предноста на 2:1, но само четири минути подцна Фернандес со авто-гол го постави конечниот резултат.
На три кола до крајот на сезоната, Трабзон се наоѓа на третото место со 58 бода, четири повеќе од Бешикташ. Доколку остане на третото место, Трабзон наредната сезона ќе се натпреварува во Лига Европа.
👌🏻👌🏻👌🏻 Trabzonspor 🔥Enis Bardhi pic.twitter.com/hnuPvPkxks
— 61post (@61post) May 4, 2024
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.