Како и во речиси сите европски земји, и во Романија планираат рестартирање на фудбалскиот шампионат, но никој не очекуваше дека тоа ќе го направи министерот за спорт облечен само во гаќи.

Јонут-Маријан Строе гостуваше на ТВ, каде што само требаше да го претстави датумот за продолжувањето на првата лига, но очигледно имаше проблеми со камерата, која откри дека министерот се вклучил во живо само по долна облека.

Реакцијата на водителот, секако, е бесценета, но тоа не му пречеше на министерот да продолжи да зборува.

This is the viral of the weekend! Romanian Sports Minister went live on TV and… Just watch the TV host’s reaction! :)) pic.twitter.com/ik3S8AlKVT

— Emanuel Roşu (@Emishor) May 24, 2020

Италијанскиот министер за спорт, Винченцо Спадафора потврди дека Серија А ќе се рестартира на 13 или 20 јули и дека владата ќе лобира мечевите да се прикажуваат на слободните ТВ канали.

Италија е длабоко во „втората фаза“ во борбата со корона вирусот, со намалување на бројот на болните и починатите од КОВИД-19, а подготовките за враќање на фудбалот траат веќе неколку недели. Италијанската фудбалска федерација (ФИГЦ) денеска им го предаде медицинскиот протокол на клубовите и конечната одлука ќе се донесе во четврток.

„Работиме на два можни датуми за продолжување на Серија А, на 13 или 20 јуни. Протоколот за безбедност пристигна и е тој што го договоривме со федерацијата, и во четврток ќе дојде конечната одлука“, изјави Спадафора.

И покрај тоа што со владин декрет е забрането враќањето на спортот до 14 јуни, датумот може да се помести доколку продолжи позитивниот развој на ситуацијата. Бидејќи постојат стравувања поради забранетиот влез на стадиони многу фанови да се собираат во локалните кафеани, владата сака ТВ-преносите да бидат достапни за сите.

„Во Германија, ’Скај’ се договори да ги прикажува прегледите на мечевите бесплатно и би сакале да направиме нешто слично и во Италија за да спречиме групирање на фановите“, додава Спадафора.

Келн и Фортуна Диселдорф освоија по еден поен во интересното 2:2 реми во последниот денешен меч од 27. коло во Бундеслигата, продолжувајќи ја грчевитата борба за опстанок.

Кенан Караман во 41. минута донесе водство за гостите, но „јарците“ имаа совршена шанса да се вратат во мечот кога во 59. минута беше досуден пенал, меѓутоа ударот на Марк Ут заврши директно во рацете на голманот на Диселдорф, Флоријан Кастемаер.

Казната за Келн дојде веднаш, откако само две минути подоцна Ерик Томи го удвои водството, пред Антони Модест во 88. минута да намали на 1:2 за интересен финиш на мечот, за во 91. минута Колумбиецот Џон Кордоба да израмни по одличното нафрлање на Дрекслер.

Фортуна останува во зоната за испаѓање на 16. место со 24 поени, три помалку од помалку од 15-пласираниот Мајнц, кој доживеа катастрофа од 0:5 од Лајпциг попладнево. Келн се на 10. место со 34 поени.