Спорт
Нејмар има очигледен проблем со дисциплината
Уште еден натпревар – уште еден црвен картон за Нејмар. Дисциплината на бразилскиот ас станува проблем за Пари Сен-Жермен, откако при поразот од Лил (со кој ривалите се одвоија на три поени од нив), тој го доби својот 11-ти црвен картон во кариерата, одбележувајќи година со голем број на проблеми.
Обидувајќи се да ја врати топката во игра при еден аут, Нејмар го турна Тијаго Дјало додека двајцата беа надвор од теренот и Португалецот театрално падна за Нејмар да добие втор жолт картон, по што работите излегоа од контрола.
Двајцата мораа да бидат разделувани од повеќе луѓе во тунелот, откако Дјало набргу исто така доби црвен картон и ова е последен пример на дисциплинскиот проблем на Нејмар.
Neymar sent off in Ligue 1 top-of-the-table clash with Lille for doing this.
Thoughts?? pic.twitter.com/ennKlRjUXr
— betclever (@bet_clever) April 3, 2021
Neymar and Djalo have a fight in the tunnel during the PSG & Lille football match pic.twitter.com/Xptluo6BzP
— Everything Sports (@CompleteSports0) April 3, 2021
Тој сега има три црвени картони во последните 14 меча во Лига 1 (од февруари минатата година) и дури 11 пати во кариерата, што е невообичаено многу за еден напаѓач.
Првото исклучување за ПСЖ беше во дербито со Марсеј, по ударот со глава на Лукас Окампос (сега играч на Севилја). Во февруари 2020 тој беше непотребно исклучен од игра во финишот на мечот против Бордо (кога ПСЖ победуваа), по што се појавија шпекулации дека го направил тоа да патува на Карневалот во Рио. На крајот тој не патуваше, но тоа не ги спречи француските медиуми да шпекулираат.
Во септември истата година, тој повторно во дуел со Марсеј не го заврши мечот, откако имаше бурна расправија со Алваро Гонзалез, обвинувајќи го Аргентинецот за расизам. Ова беше беше во кој пет играчи добија црвен картон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.
Спорт
Надал: Ако немам чувство дека можам да се натпреварувам тогаш нема да играм на РГ
Шпанскиот тенисер Рафаел Надал, по Мастерсот во Рим, ќе донесе одлука дали ќе настапи на вториот гренс слем во сезоната, Ролан Гарос.
Рафа моментално се наоѓа во Мадрид, каде во првото коло убедливо славеше во дуелот со 16-годишниот Американец Дарвин Бланш.
„Реален сум за тоа што се случува. Искрено, играв против играч кој направи многу грешки и ми ги олесни работите. Со најголема почит кон играчот кој има голема иднина, тој направи многу грешки и мечот траеше само еден час. Ова нема да ги смени моите размислувања за Ролан Гарос. Овде нема да донесам никаква одлука, по Мастерсот во Рим ќе ја донесам конечната одлука. Не зборувам за победите, туку за чувството дека можам да дадам се од себе и дека можам да се натпреварувам. Мислам дека ова е логично по се што направив во Париз“, изјави Надал.
Негов следен ривал ќе биде Алекс де Минор, кој го елиминира минатата недела во Барселона.
Спорт
Бруно Гимараеш има посебна клаузула во договорот која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.