Спорт
Неверојатна грешка – Евертон по четиридневниот тест не му дале договор на Халанд!

Евертон пропуштиле шанса да потпишат професионален договор со норвешката гол-машина Ерлинг Халанд, откако тој како тинејџер поминал на четиридневен тест на клубот од Ливерпул.
Тој играше за малиот норвешки клуб Брине кога бил поканет од Евертон да тренира со нивната академија и Јан Еткинс, човекот одговорен за европските засилувања на „карамелите“ до 2016 година призна дека направиле голема грешка.
„Скаутот Брајан Кинг беше навистина возбуден за ова дете. Го гледаше Халанд повеќе пати во Норвешка и многу го ценеше и го повика во клубот на четиридневен тест за тренерите да го видат. Тоа беше пред тој да игра за Молде, но талентот се забележува и кога си млад. Академијата реши дека не е доволно добар, иако Кинг не се согласуваше тоа. Тој е некој кој избега на Евертон, но и тоа се случува во фудбалот“, вели Еткинс за весникот „Ливерпул ехо“.
Одбивањето на напаѓач кој има постигнато 18 гола во 13 меча од Лигата на шампионите на само 20 години и сега вреди над 100 милиони евра, е несомнено лоша одлука. Наместо да дојде во Евертон, Халанд тогаш потпиша со Молде, каде што работеше со сегашниот тренер на Манчестер јунајтед, Оле Гунар Солскјер, постигнувајќи 20 гола во 50 натпревари пред да се пресели во Ред Бул Салцбург, каде што стана ѕвезда.
Тој не е единствен ваков случај – Челси не му дале договор на 13-годишниот Килијан Мбапе приморувајќи го да потпише за академијата на Монако, додека Рој Кин бил одбиен од Брајтон бидејќи бил „премногу слаб“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дани Алвес го изгуби судскиот спор со клубот, ќе мора да плати милионска оштета

Судот за спортска арбитража (CAS) пресуди во корист на мексиканскиот тим Пумас УНАМ во нивниот правен спор со Дани Алвес. На почетокот на 2023 година, Пумас го отпушти бразилскиот дефанзивец поради обвинение за сексуална злоупотреба со кое се соочуваше во Шпанија. Клубот го раскина неговиот договор, а во мај 2024 година започна судска постапка за добивање отштета од играчот.
Алвес пристигна во Мексико од Барселона во јули 2022 година, но во јануари 2023 година беше обвинет за силување девојка во тоалетот на ноќен клуб во Барселона. Откако првично беше осуден на четири и пол години затвор, Алвес беше ослободен од Апелациониот суд во март оваа година. Шпанското обвинителство поднесе жалба до Врховниот суд против поништувањето на пресудата за силување.
Алвес играше за Пумас само шест месеци, а клубот побара отштета за штетата што фудбалерот му ја направил на клубот.
Бразилскиот фудбалер, од друга страна, го тужеше клубот до ФИФА, тврдејќи дека Пумас еднострано и неоправдано го раскинал неговиот договор. Тој побара финансиска отштета за остатокот од договорот, тврдејќи дека неговите договорни права биле прекршени.
CAS пресуди во корист на клубот, потврдувајќи дека Пумас УНАМ постапил во рамките на своите права кога го раскинал договорот на играчот откако бил уапсен во Шпанија.
Точната сума што Алвес мора да му ја плати на Пумас не е објавена, но се шпекулира дека е помеѓу два и пет милиони долари.
Алвес, поранешен бразилски репрезентативец, играл за Баија, Севилја, Барселона, Јувентус, ПСЖ, Сао Паоло и Пумас УНАМ. Во текот на својата кариера, тој освои 43 трофеи. Само Лионел Меси освои повеќе трофеи во кариерата, вкупно 46.
Foto/ EPA
Спорт
Меси и Мајами постигнаа договор

Аргентинецот Лионел Меси ќе ја продолжи кариерата во Мајами, објавува ESPN.
Нов повеќегодишен договор е подготвен за еден од најдобрите играчи на сите времиња. За клубот клубот од Флорида, Меси игра од 2023 година, кога помина „преку барата“ по брилијантната европска кариера.
„Останува двете страни да се договорат за уште некои детали пред да го потпишат новиот договор“, тврди ESPN.
По оваа вест, шпекулациите дека славниот Аргентинец ќе се пресели во друга земја, во друг клуб, паднаа „во вода“, а повеќе од плодната соработка што носи огромни придобивки за двете страни, на и надвор од теренот, продолжува.
Да се потсетиме дека Меси потпиша за Мајами во јули 2023 година, а потоа отвори нова страница од својата неверојатна кариера. Тогаш потпиша договор на две и пол години, до крајот на 2025 година.
Во претходната сезона, Аргентинецот одигра 36 натпревари и постигна 28 гола, и имаше 14 асистенции во сите натпреварувања.
Тој е моментално најдобриот стрелец на тимот.
Foto/ EPA
Спорт
ФИФА листа: Македонија е на 63-то место

Македонската фудбалска репрезентација назадуваше на новата ранг-листа на ФИФА за најдобрите селекции во светот.
Македонија се наоѓа на 63-то место, што во однос на претходното рабгирање, преставува пад од една позиција.
Фудбалската репрезентација на Македонија, на почетокот на овој месец загуби од Саудиска Арабија (2:1) во пријателски натпревар и го победи Лихтенштајн (5:0), о квалификациите за пласман на СП.
Пред Македонија, меѓу другте на листата се Јордан, Република Ирска, ДР Конго, Саудиска Арабија, Ирак, Чиле, Мали, Јужна Африка…
На новата ранг листата на ФИФА има промени на врвот. Аргентина повеќе не е број 1, „гаучосите“сега се на третата поцизија. Нов лидер е Шпанија, пред Франција, додека Англија ја задржа четвртата позиција.
Португалија напредуваше за едно место и моментално е петта репрезентација во светот. Бразил падна на шестото место, по што следат Холандија и Белгија.
Хрватската фудбалска репрезентација го подобри својот пласман за едно место и сега е деветта на ранг-листата на ФИФА, додека италијанската репрезентација е на десеттата позиција.
Следната ранг-листа на ФИФА ќе биде објавена на 23 октомври.
Foto/ ffm.mk