Шпанскиот шампион, Атлетико Мадрид предводен од Луис Суарез успеа да се врати од 0:2 негатива против неочекуваниот лидер во Ла лига, Реал Сосиедад за 2:2 реми во возбудлив меч на „Ванда метрополитано“.

Норвежанецот Александер Сорлот ги шокираше домашните навивачи со гол уште во 7. минута од мечот, пред неговиот сонародник Александер Исак во 48. минута да зголеми на 0:2.

Тогаш на сцена стапи „џокерот“ на Диего Симеоне – Суарез, кој прво во 61. минута намали на 1:2 по асистенција на Жоао Феликс, за во 77. минута од пенал да донесе поен за Атлетико.

Поенот е доволен Сосиедад да се искачи сам на првото место на табелата со 21 поен, еден пред Реал Мадрид и Севилја, додека Атлетико се четврти со 18 поени.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-37223”));

Интер и Јувентус одиграа 1:1 реми во првото „Дерби д’Италија“ оваа сезона, резултат со кој гостите на „Џузепе Меаца“ треба да се позадоволни, бидејќи до него дојдоа во 89. минута од мечот.

Актуелниот шампион Интер дојде во водство во 17. минута од мечот, кога Хакан Чалханоглу упати фантастичен удар од далечина кој заврши во стативата, а Џеко се најде на вистинското место да ја смести топката зад грбот на Војчех Шчесни.

Меѓутоа, ова не беше доволно за победа и покрај тоа што Интер имаа повеќе од игра во текот на целиот меч – во 89. минута беше досуден пенал за Јувентус, кој сигурно го реализираше Дибала.

Резултатот не им одговара на двете екипи – Интер останува на третото место, но со само 18 поени, дури осум зад лидерите Наполи и Милан, додека Јувентус се шести со 15 поени, десет зад првото место.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-37475”));

Големото француско дерби на „Велодром“ помеѓу лутите „непријатели“ Олимпик Марсеј и Пари Сен-Жермен заврши без голови и без победник, но со многу искри, факли, провокации и со црвен картон кој го одбележа второто полувреме.

Ова беше прв „Ле класик“ за Лионел Меси, и тој сигурно си замина воодушевен од атмосферата која ја направија навивачите на Марсеј, кои на моменти беа толку „наострени“, што Нејмар мораше да добие полициска заштита за да изведе корнер.

Во првото полувреме, на двата тима им беа поништени по еден гол – прво тој на Луан Перес за ПСЖ во 14. минута, а потоа само седум минути подоцна и голот на Аркадијуш Милик за Олимпик. Второто полувреме беше одбележано со црвениот картон на Ашраф Хакими за фаулот над Ченгиз Ундер кога тој беше во шанса за гол, по што тимот на Маурисио Почетино мораше повеќе да се концентрира на одбраната.

Резултатот не менува многу на табелата – ПСЖ остануваат лидери со 28 поени, 7 пред Ленс, ддека Марсеј се четврти со 18 поени.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-4-37167”));