Српскиот ММА борец Страхиња Гавриловиќ е убиен во Канада.

Како што објавува канадскиот „Ла Трибјун“, српски ММА борец и неговата девојка се убиени во Шербрук, во канадската држава Квебек.

Страхиња Гавриловиќ и неговата девојка Едит Дима биле убиени во пукотница во центарот на градот, а полицијата активно ги бара сторителите и го истражува случајот.

Во оваа фаза од истрагата, властите не го сметаат фемицидот или која било друга форма на семејно насилство како можни причини.

„Истражителите моментално се на терен за да утврдат што се случило. Се среќаваме со сведоци и ги разгледуваме камерите во областа. Бараме дополнителни информации“, објасни портпаролот на државата Квебек.

Истрагата ја презедоа надлежните служби на државата Квебек.

Гавриловиќ имаше 14 борби во својата ММА кариера, осум победи и шест порази. Последната борба ја имаше во 2022 година.

Враќањето на Салернитана дома по вчерашниот пораз од 0-2 од Сампдорија во првиот натпревар од плејофот за опстанок во Серија Б доби неочекуван и драматичен пресврт.

Според Салернонотизие, неколку играчи и членови на клубот од Кампанија итно побарале медицинска помош во болниците во Салерно и Батипаља. Симптомите се појавиле кратко откако консумирале ориз за време на чартер лет назад кон Кампанија.

Вкупно 16 лица, вклучувајќи играчи и членови на тимот, покажале знаци на труење. По слетувањето на аеродромот во Салерно, тие веднаш биле однесени со брза помош во блиските служби за итни случаи.

Полицијата и карабињерите исто така пристигнале на местото на настанот за да спроведат прелиминарна истрага и да утврдат дали има основа за отворање официјална истрага.

Во светлината на овие настани, Салернитана размислува за одложување на реваншот, закажан за петок навечер во 21:30 часот на стадионот „Ареки“. Одлуката ќе зависи од тоа дали болните играчи ќе се опорават за доволно кратко време од она што во моментов се третира како труење со храна.

Победата на Џорџ Расел, првиот подум за 18-годишниот Андреа Кими Антонели и сударот на болидит на Мекларен ја обележаа трката за Големата награда на Канада.

Ландо Норис не ја заврши трката во Монтреал, откако се удри во тимскиот колега Оскар Пјастри во 66.круг.

Тој го оштети автомобилот, а Пјастри ја продолжи трката и го освои четвртото место. Норис сега е 22 бода зад Пјастри на второто место во шампионатот.

„Не очекував да го пресминам Оскар од надворешната страна во првата кривина. Едноставно не требаше да се обидам. Мислев дека почна малку да свртува десно, па мислев дека имам мала шанса да свртам лево. Но, беше преголем ризик, особено за мојот колега. Среќен сум што ништо не му се случи. Ја платив цената за мојата грешка“, рече Норис.

Мекларен им дозволува на своите возачи да се борат еден против друг, а двајцата се претенденти за шампионатот, заедно со Макс Ферстапен од Ред Бул, кој заврши втор во Монтреал зад Џорџ Расел од Мерцедес.

Пјастри е прв со 198 поени, Норис има 176, а Верстапен 155 поени.

„Нашето прво правило е да нема контакт со тимскиот колега, а јас го наоравив токму тоа. Мекларен е моето семејство. Се тркам за нив, секој викенд. Па кога ќе ги разочарам вака и ќе направам будала од себе, како сега, многу се каам“, рече Норис.

Ландо веднаш по завршувањето на трката му се извини на Пјастри (додека Австралиецот даваше изјава), ја прифати и на тој начин на некој начин ја зачува добрата атмосфера во тимот.

Full footage of the battle between Lando Norris and Oscar Piastri that ended in a crash!#F1 #Formula1 #CanadianGPpic.twitter.com/VI37PJQjg4

— Extreme Cars (@extremecars__) June 15, 2025