Бруклин Нетс, од формирањето на големата тројка, Харден-Дурент-Ирвинг, го доживеа првиот пораз. Нест се поразени од Кливленд Кавалирс со 147:135. Кливленд до победата го предводеше Колин Секстон со рекордни во кариерата 42 поени.

Големата тројка на Бруклин ја предводеше Дурент со 38 поени, 12 скокови и 8 асистенции, Харден забележа трипл-дабл (21 поен, 10 скока, 12 асистенции), а Ирвинг во првиот меч по паузата од четири натпревари постигна 37 поени.



Лука Дончиќ и Далас ја забележаа седмата победа во сезоната. Пред Маверикс падна Индијана Пејсерс (124:112). Дончиќ мечот го заврши со 13 поени и по 12 скока и асистенции. Најефикасен кај Далас беше Прозингинс со 27 поени, Кај Индијана се истакнаа Бронгдон со 26 и Сабонис со 26 поени.

Изминатата ноќ неколку кошаркари имаа неверојатни индивидуални остварувања.

Џоел Ембид постигна 42 поени, забележа и 10 скока во победата на Филалдлефија над Бостон 117:109.

Атланта, по едно продолжение, запиша триумф над Детроит 125:113.

Тре Јанг имаше 38 поени и 10 асистенции, брилијантен меч одигра Клинт Капела со 27 поени и 26 скокаови. Кај Детроит со 32 поени се истакна Џереми Грент.

Орландо со тројка во последната секунда дојдоа до победата над Минесота 97:96. Орландо го предводеше Црногорецот Никола Вучевиќ со 28 поени и 8 скока.

Фудбалерите на шпанскиот третолигаш Алкојано славеа кога дознаа дека ги добија Реал Мадрид во 1/16 финалето на Кралскиот куп, и како да сакаа да ги заддржат на својот терен што е можно подолго приморувајќи продолженија по кои стигнаа до историска 2:1 победа и покрај тоа што имаа 25 отсто од поседот на топката во 90-те минути, а победничкиот гол го постигнаа со играч помалку.

Фудбалерите на Алкојано станаа атракција кога славеа по ждрепката за натпреварувањето во купот, бидејќи им се падна големиот Реал Мадрид – малиот клуб од предградието на Валенсија редовно е во третата или четвртата лига, а честа да ги пречека Реал ја доби по елиминацијата на прволигашот Уеска.

Едер Милитао ги донесе „кралевите“ во водство во 45-тата минута, но потоа наместо да додадат уште некој гол, Хозе Солбес успеа да израмни во 80-тата минута, приморувајќи продолженија, во кои Хуанан Казанова во 115. минута го постигна победничкиот гол за најголема победа во историјата на малиот клуб.

Juanan Casanova goal
follow @noob_fcb for more goalspic.twitter.com/wKOhg9LR2C

— noobfcb (@noob_fcb) January 20, 2021

Како се слави кога ќе дознаеш дека играш против Реал Мадрид

Како мелем на раните по поразот во дербито од Интер, Јувентус го освои Суперкупот на Италија со 2:0 победа над Наполи, благодарение на 760. гол на Кристијано Роналдо, но и на лошото изведување на пенали на Лоренцо Инсиње.

Андреа Пирло пристигна на „Мапеи“ во Реџо Емилија под притисок по губењето на темпото со лидерите во Серија А, така што мораше да го победи тимот на својот добар пријател Џенаро Гатузо, и за среќа во тимот го има незаменливиот Роналдо, кој во 60-тата минута се најде на вистинското место за да го постигне својот 760. гол во кариерата.

🇵🇹 Official: Cristiano Ronaldo becomes the top scorer in history thanks to this goal in the final !

Congratulations 👏#CR7 #Ronaldo #Cristiano #JuveNapoli #JuventusNapoli
pic.twitter.com/pAHfBFiqx2

— Best of Serie A 🇮🇹 (@BestOfSerieA) January 20, 2021

Од тие јубилејни 760 голови во кариерата, Португалецот даде за Спортинг Лисабон (5), за Манчестер јунајтед (118), за Реал Мадрид (450), за Јувентус (85) и за португалската репрезентација (102). Со овој резултат, тој го сруши рекордот на Чехот Јозеф Бицан за најмногу голови во една кариера, иако Пеле и неговиот поранешен клуб Сантос во последно време тврдат дека тој постигнал 1.279 гола, броејќи ги многуте пријателски натпревари.

За Наполи, македонскиот репрезентативец Елиф Елмас доби шанса во 67. минута, а „партенопеи“ имаа совршена шанса да примораат продолженија, но Лоренцо Инсиње во 80-тата минута го утна ударот од белата точка, пред во 96. минута Алваро Мората да стави точка на сите неизвесности за 2:0.