Ерик Ботхајм, синоќа, беше режисерот на најтешкиот пораз што го доживеал Жозе Мурињо во тренерската кариера. Во Конференциската лига, Бодо Глимт ја победи Рома со 6:1. Ботхајм, постигна два гола и забележа три асистенции.

Ботхајм е талентиран 21-годишен фудбалер, добар пријател со најпопуларниот норвешки фудбалер, Ерлиг Халанд. Заедно настапувале во младинските селекции на Норвешка. Кога не играле фудбал, овие двајца заедно со уште еден пријател-фудбалер, Ерик Тобијас Сандберг, рапувале во групата „Флоу Кингс“.

Како тинејџери, снимале бизарни песни, правеле и видео спотови за песните.

Кога Халанд стана славен, како еден од најдобрите напаѓали во светот, порасна и популарноста на бендот. Еден од нивните спотови на каналот „Ју-тјуб“ има преку осум милиони прегледи.



Тренерот на Реал Мадрид, Карло Анчелоти, во пресрет на Ел Класико, со пофални зборови ја оценил работата на колегата Роналд Куман.

„Тој е добар тренер. Работев во Евертон, каде претходно беше и Куман, сите имаа само убави зборови за него“, рекол Анчелоти и дополнил.

„Искрено, не го познавам добро, но тој позитивно делува на своите екипи. Исто може да се каже и за неговата работа во Барселона. Мислам дека не е лесно да бидеш тренер на Барселона. Клубот е во фаза на реконструкција…Тој добро го прави тоа“.

Ел Класико ќе се одигра во недела, на „Ноу Камп“. Барселона во дербито влегува од седмото место со 15 бодови, Реал има два бода повеќе и го дели второто место на табелата.

Навивачите на Рома ги построија играчите по катастрофалниот поразот од Бодо Глимт, во Конференциската лига.

Рома, синоќа на северот на Норвешка, доживеа еден од најтешките порази (6:1), во европските купови.

Натпреварот во Норвешка го следеа околу 400 навивачи на Рома, кои минаа 3.000 километри.

По завршувањето на натпреварот, играчите застанаа пред трибината на која беа навивачите, со намера да се извинат за лошата игра, а капитенот Лоренцо Пелегрини им го понуди својот дрес.

Тие му го вратија дресот на капитенот, а потоа пет минути со разни пцовки ги навредуваа играчите.

Влудоневиден од оваа стиуација беше Тејми Ејбрахам, кој летово пристигна во Рома за 40 милиони евра. Ејбрахам кој дојде од Премиер лигата, ќе мора да се навикне на вакви навивачи испади.

The AS Roma fans who travelled to Norway confronted the players after Roma lost 6-1 to Bodo/Glimt pic.twitter.com/Td30lt39jG

— Lupo TV (@LupoTVofficial) October 21, 2021