Фудбалрите на Јувентус го победија Манчестер сити со 2:0, а Барселона славеше во Дортмунд 3.2 во најпривлечните вечерашни натпревари во Лигата на шампионите.

Јувентус го освои 11-от бод и се искачи на врвот на табелата, додека Сити остана на осум и се наоѓа на 22-та позиција.

Ова беше седми пораз за „граѓаните“ во последните десет натпревари, при што имаат само една победа.

Во првите 45 минути од мечот во Торино практично не се случуваше ништо, неколку почушанси и обидот на Халанд во 40.минута чии удар го одбрани Ди Грегорио.

Второто полувреме беше поофанзивно од двете страни. Во 53. минута, Влаховиќ некако успеа да ја смести топката зад грбот на Емерсон.

Сити, потоа тргна во офанзива, имаше шанси преку Бернардо Силва и Де Брујне, но резултатото остана 1:0.

Казната ги стигна „граѓаните“ во 75.минута, Веа ја уфрли топката во шеснаесетникот, а Мекени со полуволеј ја испрати во голот.

Двата тима сега одат на пауза, па во седмото коло од Лигата на шампионите, на 22 јануари, Јувентус гостува кај Бриж, додека Сити истиот ден ќе игра против ПСЖ.

Фудбалерите на Барселона ја совладаа Борусија Дортмунд со 3:2 (0:0), ја запишаа петтата победа и се искачија на второто место на табелата.

Каталонците го контролираа мечот во првиот дел, ја држеа топката во своите нозе повеќе од 70 проценти од времето, упатија и повеќе удари. Сепак, Борусија Дортмунд беше поконкретна, но обидите на Серхио Гираси и Марсел Сабицер завршија крај голот.

Вториот дел од натпреварот започна со гол на Каталонците. Во улога на асистент се најде Дани Олмо, а Рафиња ја затресе мрежата. Водството на Барселона не траеше долго бидејќи, во 60. минута од „белата точка“ беше прецизен Гираси.

Ефикасното второ полувреме го продолжи Феран Торес кој и ја врати предноста на Барселона, но само две минути подцна изедначи Гираси. Сепак, во 85. минута Торес со вториот гол на натпреварот го замолкна „Сигнал Идуна Парк“ и им донесе победа на гостите.

Резултати:

Атлетико – Слован 3:1 (2:0)
/Алварез 16, Гризман 42, 57 – Стрелец 51/

Лил – Штурм 3:2 (2:1)
/Сахаруи 37, Бекер 45+2, Харалдсон 81 – Китешвили 45+4, Бирт 47/

Милан – Црвена Звезда 2:1 (1:0)
/Леао 43, Ејбрахам – Радоњиќ 67/

Арсенал – Монако 3:0 (1:0)
/Сака 34, 78, Хаверц 88/

Бенфика – Болоња 0:0 (0:0)

Борусија Д. – Барселона 2:3 (0:0)
/Гираси 60, 78 – Рафиња 53, Торес 75, 85/

Феенорд – Спарта 4:2 (3:1)
/Тронер 8, Паишао 10, Муса 30, Хименез 63 – Рахмани 42, Белен 79г/

Јувентус – Манчестер Сити 2:0 (0:0)
/Влаховиќ 53, Мекени 75/

Штутгарт – Јанг Бојс 5:1 (1:1)
/Стилер 25, Мијо 53, Фурих 61, Фагноман 66, Кајтел 76 – Лакоми 6/

Атлетико Мадрид и Лил според прогнозите забележаа победи во првите натпреври од вечерашната програма во Лигата на шампионите. Атлетико, рутински го победи Слован од Братислава со 3.1, а Лил потешко од прогнозите славеше со 3:2 во дуелот со Штурм.

На „Метрополитано“ во Мадрид, Атлетико доминираше 70 минути кога реши да го спушти ритамот. Хулијан Алварез постигна убав гол во 16.минута, до крајот на полувремето, апзолутната доминација на теренот во 42.минута со втори гол ја круниса Гризман.

Слован во првиот дел имаше само еден обид, кога поранешниот играч на Вардар, барсегјан ја погоди гредата.

Во второто полувреме, сомнителен пенал добија играчите на Слован во 51.минута. Прецизен од белата точка беше Стрелец. Само шест минути подцна Гризман со својот втор гол го постави конечниот резултат.

Во Лил се одеше според планот на „догите“ до последните секунди од првиот дел. Имаа домашните предност од 2:0 со головите на Шарауи во 37. и Бакер во втората минута од судискоот надополнување. Сепак веќе во следниот напад Штурм се врати во мечот со голот на Китишвили.

По две минути игра во вториот дел целосен шок за Лил, на 2.2 изедначи Бирет. Сепак австрискиот првак не издраж, во 81.минута Харалдсон го постави конечниот резултат.

Светската фудбалска асоцијација (ФИФА) објави каде ќе се одржуваат Светските првенства во 2030 и 2034 година.

Светското првенство во фудбал во 2030 година ќе се одржи во Шпанија, Португалија и Мароко. Ова издание на натпреварот ќе се одржи точно 100 години по првото.

Интересно е што покрај овие земји, поради стогодишнината од Мундијалот, три натпревари ќе се одиграат во Јужна Америка, по еден во Аргентина, Парагвај и Уругвај.

Тоа ќе бидат воведните три натпревари на првенството.

Светското првенство во 2034 година ќе се одржи во Саудиска Арабија.

Да потсетиме, следното Светско првенство ќе се одржи во 2026 година во Канада, Мексико и Соединетите Американски Држави. Тоа ќе биде и прво Светско првенство со 48 селекции во групната фаза, наместо досегашните 32.

Актуелен светски фудбалски шампион е Аргентина, која триумфираше во 2022 година во Катар.