Фудбалската репрезентација на Хрватска славеше триумф од 3-1 против селекцијата на Словачка и си го обезбеди пласманот на Европското првенство идната година.

Освен Хрватска вечерва билет за ЕП 2020 обезбедија и Германија, Холандија и Австрија која ја совлада Македонија во Виена со 2-1.

Хрватските фудбалери по првото полувреме имаа негатива со Словаците, но во вториот дел Влашиќ, Петковиќ и Перишиќ ги постигнаа головите за победа од 3:1 и лидерска позиција во групата.

Холандија одигра нерешено 0-0 без против Северна Ирска нагости, но на „лалињата“ тоа им беше сосема доволно за да обезбедат пласман на ЕП 2020.

Во истата група, вечерва и Германија го визираше пласманот на ЕП. Панцирите славеа рутинирано со 4-0 над Белорусија. Два гола на мечот постигна Крос, а по еднаш противничката мрежа ја затресоа Гинтер и Горецка.

Од групата во која е Македонија, Полска како гостин славеше против Израел со 2-1. Стрелци на головите за победничката екипа беа Криковјак и Пјонтек, додека единствениот гол за домашната селекција беше дело на Дабур на 2 минути пред крајот.

Македонската фудбалска репрезентација доживеа пораз од 2-1 на гостувањето во Виена, кај селекцијата на Австрија во претпоследниот меч од квалификациите за ЕУРО 2020.

Иако селекторот Ангеловски пред овој меч не можеше да смета на речиси половина стартна постава, сепак нашиот национален состав одигра храбро и достоинствено, а во финишот од мечот и со почесен погодок во противничката мрежа.

Австрија тргна офанзивно уште од првите минути, а веќе во 7 минута по една неуспешна офсајт стапуца, домаќините преку Давид Алаба дојдоа во водство од 1-0. Австријците имаа повеќе од играта во првиот дел, а пред голот на Столе Димитриевски најголемата опасност доаѓаше од Арнаутовиќ. Сепак нашиот голман беше на висината на задачата и спречи зголемување на водсвото на Австрија.

Нашите фудбалери во првиот дел беа во подредена улога, средината на теренот не функционираше најдобро, што отвораше можноста за домаќините да се закануваат кон нашиот гол. Сепак на полувреме се отиде со резултат 1-0.

Поради повреда, во првиот дел Ангеловски беше принуден да направи замена. Играта ја напушти Александар Трајковски, а на негово место влезе Влатко Стојановски.

Почетокот на второто полувреме беше како реприза на воведот на мечот. Македонските дефанзивци лошо реагираа по еден корнер, па Стефан Лаине уште на стартот на полувремето по една мешаница во шеснаесетникот погоди на 2-0.

Првата конкретна закана кон австрискиот гол ја имаше Енис Барди, директно од корнер. Малку недостасуваше да се изненади противничкиот голман.

Влатко Стојановски имаше неколку убави шанси во средината на вториот дел да постигне гол, но останаа нерализирани.

Она што претходно не му успеа, напаѓачот на француски Ним го реализираше во својата трета шанса во 90 минута за конечни 2-1.

Македонија во последното коло од ове квалификации игра уште против Израел во Скопје.

Челниците на АБА лигата, односно луѓето задолжени за водењето на статистиката во регионалното кошаркарско натпреварување вечерва ќе имаат задача да пронајдат податок кој е најбрзо постигнатиот поен во еден регионален меч.

Се чини дека Словенецот Јака Блажиќ е новиот рекордер.

Тој на мечот меѓу Цедевита Олимпија и ФМП кој се уште е во тек, по само 2 секунди поентираше, и тоа со забивање.

Погледнете како изгледаше целата ситуација:

Were this the fastest scored points ever in the #ABALiga history?@JakaBlazic of @KKCedOL with a dunk! pic.twitter.com/R7tqNsv2x0

— ABA Liga (@ABA_League) November 16, 2019