Фантастичната низа на Барселона во Евролигата беше прекината на „најлошото“ можно место во Мадрид, откако Реал успеа да ги совлада со убедливи 86:76 во осмото коло од елитното европско натпреварување.

„Кралевите“ имаа совршен старт против лутиот ривал, добивајќи ја првата четвртина со 32:14, но тимот на Светислав Пешиќ успеа да се врати и на полувреме да отиде со предност од два поени (50:48). Сепак, отпорот на каталонскиот клуб беше срушен во третата четвртина и Реал го подобри својот скор на 5-3, додека Барса сега е на 6-2.

Алба Берлин во драматичен меч по дури две продолженија успеа да стигне до гостинска победа 106:105 кај Панатинаикос, за крај на лузерската серија и подобрување на скорот на 2-6. Факундо Кампацо имаше одличен меч со 13 поени и 6 асистенции, а Дек додаде 13 поени и 6 скока за „кралевите“.

Лук Сикма (16 поени) беше човекот за одлука за германскиот тим, откако постигна две слободни фрлања на осум секунди пред крајот по голем број на промени на резултатот во текот на регуларниот меч и во продолженијата. Панатинаикос успеа да израмни во финишот на мечот на 88:88, по што германскиот тим успеа да избори второ продолжение кога Мартин Хермансон израмни на 98:98.

Василије Мициќ имаше одличен натпревар и заедно со Шејн Ларкин го предводеше Ефес до тесна победа од 90:88 над рускиот Зенит на домашен терен откако турскиот клуб за малку ќе пропуштеше предност од 25 поени. Ефес сега има 6-2 скор, додека Зенит само 2-6.

Зенит губеше со 67:42 во третата четвртина, пред со неверојатен кам-бек на 30 секунди на крајот да дојдат само до 85:83. Сепак, Мициќ, кој постигна 24 поени без утка (4-4 за два, 3-3 за три и 7-7 од слободни) успеа да го заддржи мечот под контрола. Ларкин додаде 22 поени.

ЕВРОЛИГА, 8.КОЛО

Химки – Олимпија Милано 87:79 (22:25, 25:26, 18:14, 22:14)

Анадолу Ефес – Зенит Петерсбург 90:88 (21:14, 21:16, 27:20, 21:38)

Панатинаикос – Алба Берлин 105:106 (31:31, 18:27, 20:16, 19:14, 17:18)

Басконија – Макаби Тел Авив 83:113 (21:28, 11:27, 26:31, 25:27)

Реал Мадрид – Барселона 86:76 (32:14, 16:36, 23:14, 15:12)

Хери Кејн и Кристијано Роналдо постигнаа по три гола за на своите репрезентации да им донесат убедливи победи во квалификациите за Евро 2020, по кои Англија веќе е патник на континенталниот шампионат, додека Португалија треба само во следниот меч против Луксембург да победи за да се приклучи на елитата.

Хери Кејн постигна три гола за само 12 минути, за Англија со 7:0 да ја „разбие“ Црна Гора за обезбедување на првото место во групата А, откако „Албионот“ постигна пет гола во првите 37 минути од мечот. Стрелци беа и Окслејд-Чембрлен, Абрахам и Рашфорд, а еден автогол си постигна Александар Софранац.

Во истата група, Чешка направи пресврт за 2:1 победа над Косово, со што се приклучи на Англичаните на Евро 2020 и во исто време ги прати Косовците на потенцијална пресметка со Македонија за пласман на шампионатот преку Лигата на нации на УЕФА.

Кристијано Роналдо, пак, постигна хет-трик за да ги предводи Португалците до 6:0 победа над Литванија, со која тие останаа на второто место во групата Б, со поен предност пред Србија, која се намачи за 3:2 победа над Луксембург. Во последното коло Португалците гостуваат на Луксембург, додека Србите патуваат во Украина, која веќе е пласирана.

Светскиот шампион Франција обезбеди пласман пред да стартува мечот со Молдавија, откако Турција одигра 0:0 со Исланд, и беше потребен пенал на Оливие Жиру во финишот на мечот за неубедлива 2:1 победа.

ЕВРО 2020, КВАЛИФИКАЦИИ

ГРУПА А

Чешка Република – Косово 2:1

Англија – Црна Гора 7:0

Табела: 1.Англија 18, 2.Чешка 15, 3.Косово 11, 4.Црна Гора 3, 5.Бугарија 3

ГРУПА Б

Португалија – Литванија 6:0

Србија – Луксембург 3:2

Табела: 1.Украина 19, 2.Португалија 14, 3.Србија 13, 4.Луксембург 4, 5.Литванија 1

ГРУПА Х

Турција – Исланд 0:0

Албанија – Андора 2:2

Франција – Молдавија 2:1

Табела: 1.Франција 22, 2.Турција 20, 3.Исланд 16, 4.Албанија 13, 5.Андора 4, 6.Молдавија 4

На Роџер Федерер му беа доволни само два брејка да го победи својот голем ривал Новак Ѓоковиќ со 6:4/6:3 и да обезбеди пласман во полуфиналето на АТП финалето во Лондон, во исто време елиминирајќи го Србинот.

Откако двајцата го победија Матео Беретини во два сета, а загубија од првопласираниот Доминик Тим во групата „Бјорн Борг“, нивниот 49-ти дуел во кариерите одлучуваше кој ќе оди во полуфинале и тоа најверојатно на Гркот Стефанос Циципас. Со оваа победа, Федерер го забележа својот 23. триумф против Ѓоковиќ.

Швајцарецот ќе го продолжи обидот да стигне до својата рекордна седма Мастерс куп титула во кариерата, додека Србинот останува на пет трофеи од елитниот турнир за најдобрите осум на светот.

Wimbledon: Avenged 👊@rogerfederer downs Djokovic 6-4 6-4 to make the #NittoATPFinals semi-finals for a 15th (🤯) time! pic.twitter.com/yim6y40fnC

— Tennis TV (@TennisTV) November 14, 2019