Фудбалерите на Лестер отворено го прославија отказот на Стивен Купер, во ноќен клуб во Копенхаген.

Стивен Купер повеќе не е менаџер на Лестер. Поразот од Челзи (2:1) на стадионот „Кинг Пауер“ беше последен удар за Велшанецот, кој не успеа да го наметне својот авторитет.

Сепак, она што го предизвика најголемиот шок во фудбалскиот свет не беше одлуката на самиот клуб, туку однесувањето на играчите непосредно пред официјалното соопштение.

Неколку часа пред да добие отказ, фудбалерите на Лестер беа видени во ноќен клуб во Копенхаген, каде отворено го прославија неговиот отказ.

Last night the Leicester players were partying with a sign that said “Enzo I miss you”😳

Today, their current manager Steve Cooper has been sacked😬pic.twitter.com/NbjqMWBHy9

— The 44 ⚽️ (@The_Forty_Four) November 24, 2024

Најжестокот славеле Јаник Вестергард, Виктор Кристијансен и Хари Винкс. Она што особено го привлече вниманието е банерот на кој пишува: „Енцо ни не едостигаш“, со кој фудбалерите ја покажаа својата наклонетост кон поранешниот менаџер Енцо Мареска.

Some Leicester players, including Harry Winks, partied at Museo nightclub in Copenhagen after the Chelsea loss, and they appeared to be next to a sign saying, 'Enzo, I miss you'. 😂

Steve Cooper was sacked today. 👀

(@EkstraBladet) #CFC pic.twitter.com/MQIW1Meo8y

— Chelsea Dodgers (@TheBlueDodger) November 24, 2024

Италијанецот кој летово се пресели во Челзи беше омилен меѓу играчите и доаѓањето на Купер не беше добро прифатено во соблекувалната.

Велшанецот наводно не успеал да воспостави авторитет, што доведе до раздор и лоши резултати. Лестер забележа само три победи во последните 12 натпревари.

Оваа ситуација предизвика бура на Островот. Навивачите на Лестер ги осудија играчите, сметајќи дека нивното однесување е непрофесионално и недостојно за клуб со таква традиција.

Во меѓувреме, Лестер ја насочува својата потрага по нов менаџер. Како главни кандидати се споменуваат Грем Потер, поранешниот менаџер на Челзи и искусниот Дејвид Мојс, кој претходно ги водеше Вест Хем, Манчестер јунајтед и Евертон.

Претседателот на Реал Флорентино Перез одржа говор на Ггенералното собрание на клубот. Тој уште еднаш го најави почетокот на Суперлигата и зборуваше за густиот распоред, а се осврна и на Златната топка, наградата за најдобар светски фудбалер, која годинава му припадна на играчот на Манчестер сити, Родри.

Да потсетиме, многумина очекуваа дека лауреат ќе биде крилниот напаѓач на Реал Винисиус Жуниор. Кога во Мадрид дознаа дека тоа нема да се случи, го бојкотираа доделувањето на наградата во Париз.

„Да не беа Намибија, Уганда, Албанија и Финска, Винисиус ќе ја добиеше Златната топка. Гласаат луѓе кои не знаат за него. Покрај сето тоа, тие земји не му дадоа ниту еден глас“, рече Перез, а пренесува „АС“, нагласувајќи дека претседателот Реал во тој момент се насмеал. „Ниту еден глас! Барем финското жири потоа си поднесе оставка. Го ценам тоа“, додаде Перез.

Шпанецот Родри ја освои Златната топка пред тројца играчи на Реал Мадрид: Винисиус, Џуд Белингем и Дани Карвахал.

„Мора да ги прашате организаторите кои се критериумите, но јасно е дека тие можат да прават што сакаат. Би ги прашал „Франс Фудбал“ и „Лекип“ (кои ја доделуваат Златната топка, оп. а.) дали има смисла да бидеме партнери со УЕФА. Гласањето за Златната топка треба да биде независно и треба да гласаат познати луѓе. “рече Перез и дополни.

„Родриго ја има нашата почит, тој ја заслужи Златната топка. Ама не оваа, мораше да ја добие играч на Реал, без разлика какви критериуми се применуваа. Винисиус требаше да ја добие, но можеше да оди и кај Карвахал. Тешко е да се објасни. Има изненадувања, како изјавата на УЕФА. Тие рекоа дека не влијаеле на гласачкиот систем.

„По ѓаволите, го сменија системот на гласање (од пет играчи на десет) и бројот на бодови (од шест на 15). Изненадувачки е што, бидејќи фудбалот е глобален, новинарите од земји со голема популација како Индија не гласаат, додека други со помалку од милион жители гласаат“, продолжи Перез.

ПСЖ го донесе Нејмар од Барселона во летото 2017 година во трансфер вреден 222 милиони евра, што и денес е светски рекорд. Откако заработи повеќе од 70 милиони евра од клубот во првите три години само преку плати, во следните три заработи повеќе од 90 милиони. Преку бонусите заработил уште повеќе, а сега е откриен и еден бизарен бонус.

Фудбалерот на Кристал Палас, Луис Брајон тврди дека се дружел со клупскиот персонал на ПСЖ во тренерската школа и дека тогаш слушнал за неверојатната клаузула што бразилскиот напаѓач ја имал во договорот со клубот.

„Најлудата клаузула за која сум слушнал е клаузулата на Нејмар во ПСЖ. Еден член од персоналот на ПСЖ кој беше во клубот во времето на Лионел Меси, Нејмар и Килијан Мбапе, не сакам да го откријам неговото име, ми кажа дека Нејмар има клаузула во договор според која секогаш кога ќе им аплаудира на навивачите по натпреварот, ќе добие бонус од 200.000 евра“, изјави Брајон.

Пред заминувањето во Ал Хилал, Нејмар одигра 173 натпревари за ПСЖ. На нив постигна 118 гола и забележа 77 асистенции.