Спорт
Почнува Серија А, најнеизвесната лига во Европа – на стартот Пандев оди кај шампионот
Преодниот рок во италијанската Серија А не донесе насмевки кај италијанските фудбалски вљубеници. Финансиската криза ги примора дел од клубовите да се откажат од некои од најголемите ѕвезди. Интер остана без Лукаку и Хакими, а Милан без Донарума – бомбастични трансфери немаше.
Сепак, се очекува Серија А да биде една од најнеизвесните лиги во Европа сезонава. Иако немаше големи трансфери кај играчите, рокади имаше кај тренерите.
Наместо Антонио Конте, во иднина Интер ќе го предводи Симоне Инзаги, а неговото место во Лацио го зазема Маурицио Сари. Во Јуве се враќа Масимилијано Алегри, а кормилар на Рома стана Жозе Мурињо.
И Гатузо доби отказ во Наполи, Елмас и другарите сега се под палката на Лучано Спалети.
Немаше промени кај тренерите на Милан и Аталанта – сигурна е позицијата на Пиоли и Гасперини.
Од повредните засилувања се наметнува она на Мануел Локатели од Сасуоло во Јувентус за 35 милиони евра, додека Хакан Чалханоглу им „заби нож в грб“ на Росонерите“, од Милан се пресели во Интер.
Утре од 18.30 часот се отвора сезоната, а нашиот Горан Пандев кој реши уште една сезона да ги брани боите на Џенова со својот клуб гостува во Милано, на нему позната адреса, кај шампионот Интер.
Во истиот термин Верона го пречекува Сасуоло.
Се очекува многу фудбалски шарм, тактика, добар и неизвесен фудбал.
Јувентус се наметнува како мал фаворит за Скудетото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тер Штеген во Џирона до крајот на сезоната
Голманот на Барселона и германски репрезентативец, Марк-Андре Тер Штеген, ќе игра на позајмица во Џирона до 30 јуни оваа година, објавија двата шпански клуба.
Според договорот што го постигнаа клубовите, Барселона ќе исплаќа околу 90 отсто од платата на тер Штеген.
Тер Штеген (33) пристигна во Барселона во 2014 година од Борусија Менхенгладбах, а оваа сезона одигра само еден натпревар за тимот од „Ноу Камп“.
Тер Штеген денес го имаше својот прв тренинг со својот нов клуб. Тој бранеше за германската репрезентација на 44 натпревари.
Foto/ depositphotos
Спорт
Конте: Не сме на нивото на Лигата на шампионите
Тренерот на Наполи, Антонио Конте, изјави дека е разочаран од нерешениот резултат против Копенхаген во седмото коло од Лигата на шампионите, објавија денес италијанските медиуми.
Фудбалерите на Копенхаген и Наполи играа вчера во Данска без победник, 1:1. Копенхаген од 35-та минута играше со фудбалер помалку, бидејќи црвен картон доби искусниот Томас Дилејни.
„Ме боли и мора да ги боли моите играчи. Мора да бидеме лути, мора да бидеме разочарани. Имавме во вистински услови за победа и пласман во плејофот. Можеме да имаме илјада изговори, но тие не вредат, бидејќи натпреварот одеше толку добро во тие околности, што мораше да победиме“, рече Конте.
Наполи моментално е на 23-то место на табелата на ЛШ со осум бода.
„Четврти натпревар по ред покажавме дека се мачиме. Имавме целосна контрола, со 11 играчи против 10, па дури и ако ви недостасуваат 10 играчи и се чувствувате уморни, мора да победувате во вакви натпревари. Едноставно – мора. Постои разочарување, бидејќи не успеавме, па затоа е очигледно дека нашето ниво не е соодветно за ова натпреварување во моментов. Имаме само осум бода во Лигата на шампионите, сите мора да ја прифатиме вината. Во оваа ситуација, мора да победите“, нагласи Конте.
Фудбалерите на Наполи ќе го пречекаат Челзи во последното, осмо коло од Лигата на шампионите.
Foto/ depositphotos
Спорт
Барселона му нуди нов договор на Левандовски
Барселона е подготвена да го задржи Роберт Левандовски уште една година.
Неколку каталонски медиуми денес открија дека Барселона одлучила да му го продолжи договорот на Левандовски.
Понудата содржи и неколку услови, Левандовски треба да прифати да биде втора опција во нападот, што значи помалку минути на теренот и да се согласи на намалување на платата од најмалку 50 отсто.
Левандовски во моментов иам најголема плата во тимот, па според неговата улога во новата сезона, клубот очекува тој да се согласи на значително намалување на платата.
Според претходните најави, токму ова го сакаше Левандовски, бидејќи ужива во Барселона со своето семејство и со задоволство би останал на „Камп Ноу“ до крајот на кариерата.
Левандовски пристигна во Барселона во летото 2022 година за 45.000.000 евра од Баерн Минхен. Освои две титули во Ла Лига, Купот на Кралот и два Суперкупа.
Foot/ depositphotos

