Грегор Шлиренцауер (31) еден од најдобрите ски-скокачи во историјата, донесе одлука да се пензионира. Австриецот ја заврши кариерата поради неколкуте тешки повреди на коленото.

Шлиренцауер со 53 победи во кариерата е апсолутен рекордер во Светскиот куп. Двапати во кариерата победил во генералниот пласман, двапати ја освоил и турнејата „Четири скокалници“. Најдобар ски-скокач бил во 2006 и 2014 година.

Австриецот освоил четири медали на Зимските олимписки игри (три во Ванкувер во 2010 и една во Сочи во 2014 година.

На светските првенства освил 17 медали, 10 од нив се златни.

Роналд Куман ги брои последните денови како тренер на Барселона. Шпанските медиуми тврдат дека, доцна синоќа, претседателот Џоан Лапорта решил да му врачи отказ на тренерот, кој сите ги нервира со своите изјави.

Барселона, синоќа, успеа да се спаси од пораз против Гранада во 90.минута. Барселона, не импресионираше со играта, а Куман е критикуван откако во последните 15 минути, централните дефанзивци Пике и Араухо ги префрли во нападот.

Оваа негова одлука ја спаси Барселона од пораз, Араухо го постигна голот за 1:1, а Пике учествуваше во акцијата, меѓутоа во клубот не се задоволни од тактиката и формацијата која ја форсира тренерот.

„Што може да е направи со ваков состав? Да се игра тики-така кога никаде нема простор? Моравме да побараме алтернативен пат. Во овој момент ние немаме играчи кои се добри еден на еден, немаме брзина во тимот. Тоа е нашата реалност. Со ова што имаме го дадовме најдоброто, можевме дури и да победиме. Верувам дека младите за две до три години ќе станат добри играчи“, рекол Куман и дополнил.

„Факт е дека Барселона повеќе не е тим каков што беше пред осум години“.

„Марка“ пишува дека по оваа изјава, претседателот Џоан Лапорта донел одлука дека Куман мора да си оди од клубот.

Она што е лошо за Барселона е што отказот на Куман ќе ги чини најмалку шест милиони евра. Со оглед на финансиската криза во која се наоѓа, ова ќе биде уште еден удар за клубот.

Пралелно со ова медиумоте се занимаваат со имињата на потенцијалните наследници на Куман. Новинарот, Џерар Ромеро, тврди дека Лапорта на списокот има пет тренери: поранешниот германски селектор Јоаким Лев, актуелниот селектор на Белгија, Роберто Матинез, поранешниот играч на Барселона, Филип Коку, екс тренерот на Интер, Антонио Конте и поранешниот тренер на Јувентус, Андреа Пирло.

Десниот бек на Астон Вила, Мати Кеш (24), во иднина ќе настапува за репрезентацијата на Полска. Кеш, може да добие полски пасош бидејќи неговата мајка е од оваа земја.

Таткото на фудбалерот, кој ја води постапката, потврдил дека уште пред неколку месеци, поднел барање за добивање државјанство на Полска.

Стјуарт Кеш, рекол, дека наскоро постапката ќе биде завршена.

Кеш решил да игра за земјата од која потекнува неговата мајка бидејќи во Англија на неговата позицција има сериозна конкуренција во Кајл Вокер (Манчестер сити), Киран Трипие (Атлетико Мадрид) и Трент Александер-Арнолд (Ливерпул).

Кеш од минатата сезона е играч на Астон Вила, претходно настапувал за Нотингем форест.