Спорт
„Поради трансферот на Лукаку ни се закануваат со смрт мене и на ќерка ми“
Ромелу Лукаку се врати во Челси по 7 години. Федерико Пасторело, менаџерот на познатиот напаѓач открива низ што се поминал за оваа работа да се заврши.
Синоќа испрати соопштение до медиумите и објасни дека тој и ќерка му добиле смртни закани поради тоа што Белгиецот ги напушти „Нероазурите“.
Пасторело рече дека тој е најзаслужниот што Лукаку во 2019 година дојде во Милано од редовите на Јунајтед, па беше најзаслужниот за титулата на Интер во Серија А по пауза од 10 години.
„Многумина од оние кои денес ме навредуваат и ми се закануваат, ми се заблагодаруваа што го доведов во Милано. Секогаш прифаќам конструктивна критика, но она што не може да се прифати се лажни наводи, инсинуации, навреди и закани кои ги доби моето семејство, мојата ќерка и јас, кои ги поминуваат границите на цивилизираност, пристојност и толеранција“ рече Пасторело.
?️"Inter board did their best to not sell Lukaku, but he wanted to go as Chelsea is a special club for him. The bad financial situation of the owners did the rest" #CFC #Inter
-Federico Pastorello [Lukaku's agent] pic.twitter.com/XivEetNJP0
— Football Talk (@Football_TaIk) August 13, 2021
Италијанецот вели дека Белгиецот не мислел само на парите.
„Економскиот аспект секако е дел од тоа, но не е главниот фактор кој ги одредува нашите избори. Што се однесува до Интер, можам да кажам дека извршниот директор Џузепе Марота, спортскиот директор Пјеро Аусилио и тренерот Симоне Инзаги направија се што можеа овој трансфер да не се случи. Сепак, постојат околности кои не се во нивниот делокруг и зависат од инструкциите на сопствениците на клубот“ истакна менаџерот на Лукаку.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Аргентина без Меси против Ел Салвадор и Костарика
Капитенот на Аргентина, Лео Меси ќе ги пропушти двата пријателски натпревари што ќе ги одигра светскиот шампион против Ел Салвадор (22 март) и Костарика (26 март). Двата натпревари ќе се играат во Соединетите Американски Држави.
Ѕвездата на Интер од Мајами се пожали на полесна повреда и постоеја шанси да биде во тимот на Аргентина, но сега е сигурно дека тоа нема да се случи,. Сепак, Лео ќе се приклучи во репрезентативниот камп во Филаделфија, за да им пружи морална поддршка на соиграчите.
Воедно, поради повреди Пауло Дибала и Маркос Сенеси од Бурнмаут нема да го носат дресот на Аргентина, па селекторот Лионел Скалони го повика капитенот на Бетис, Гвидо Родригез, кој се рехабилитираше од повредата.
„Целта на Меси и на клубот е да се врати на терените на почетокот на април, за четвртфиналниот натпревар од Купот на КОНКАКАФ“, изјави на оваа тема тренерот на Интер од Мајами, Херардо Мартино.
Во осминафиналето Интер го исфрли Нешвил, а токму на таа средба 36-годишниот аргентински ас заработи повреда на мускулот.
По голот и асистенцијата мораше предвреме да ја напушти играта, па не го ни одигра првенствениот натпревар против Ди-си Јунајтед пред неколку дена.
Спорт
Штрајх го напушта Фрајбург по повеќе од 12 години
Тренерот на Фрајбург, Кристијан Штрајх, по повеќе од 12 години ќе го напушти клубот на крајот на сезоната, објави клубот. Штрајх, кој е на клупата на Фрајбург од јануари 2012 година, реши да не го продолжи договорот.
Штрајх, во Фрајбург кина 29 години, пред да го преземе првиот тим, ги тренираше младинските категории.
„Долго размислував и имав многу дискусии, но верувам дека е вистинско време да отстапам место на нова енергија, нови луѓе и нови можности“, вели 58-годишниот Штрајх во видеото објавено на клупската веб-страница.
Под негово водство, Фрајбург го доживеа најпросперитетниот период во својата историја. Во сезоната 2022/23 првпат во историјата го одведе клубот до осминафиналето на Лигата на Европа, а во 2022 година не успеа да го постигне најголемиот успех, Фрајбург го загуби од Лајпциг финалниот меч во Купот на Германија.
Штрајх добиваше понуди од неколку германски клубови со поголеми буџети, но секогаш избираше да остане во Фрајбург.
Спорт
Поп за Вембањама: Сите мои најдобри вина се постари од него
Во својата прва НБА сезона, Французинот Виктор Вембањама докажува дека големиот интерес што го предизвика неговиот трансфер во Сан Антонио е оправдан. Вемби беше први пик на драфтот, а во својата прва сезона покажува дека е генерациски талент.
Во 60. натпревари што ги одигра досега оваа сезона, тој има просек од 20,8 поени (46% од поле, 32% за три, 80% пенали), 10,4 скока, 3,5 асистенции, 3,5 блокади.
Изминатата ноќ, Вемби одигра историски меч, во победата над Бруклин забележа 33 поени 15 скока, 7 асистенции, 7 блокади и 4 загубени топки.
Сигурно е дека најголемите заслуги за неговата брза адатација во НБА има Грег Попович, тренерска легенда во НБА.
„Вембањама е мултиталентиран млад чове“. Ќе ни покаже работи кои никогаш не сме ги виделе. Денешниот натпревар беше еден од нив. Тој е се подобар во контакт играта, се навикна дека противничката одбрана посебно внимава на него. Тој е во тешка позиција и одлично се справува со тоа“, изјави „Поп“ по уште една фантастична партија на младиот Французин.
Дали тренерот Попович е возбуден што ќе продолжи да работи во НБА во следните пет години?
„Се возбудувам само кога ќе видам дека имам постаро шише француско „Бордо“ и се грижам дека не е премногу старо, а потоа сфаќам дека всушност е совршено. И сите мои најдобри вина се постари од Виктор. Тоа е вистината“.