Нона Гаприндашвили, петтата женска светска шампионка, го тужи „Нетфликс“ за 5 милиони долари, откако во серијата „Дамски гамбит“ (The Queen’s Gambit) беше посочено дека таа никогаш не играла шах против мажи, а исто така ја опишуваат како Русинка, а не Грузијка.

80-годишната Гаприндашвили е лута на последната епизода во мини-серијата во која се вели дека „единственото необично за неа е тоа што е жена“.

„Ниту тоа не уникатно во Русија. Тука е Нона Гаприндашвили, која е женска светска шампионка и никогаш не играла со мажи“, се вели во серијата.

Гаприндашвили, која има 11 шаховски олимписки злата за Советскиот Сојуз и Грузија, вели дека во својата кариера до 1968 година (кога се одвива епизодата), таа играла со барем 59 машки шахисти.

„’Нетлфикс’ намерно лажеше за остварувањата на гаприндашвили со цинична цел да ја зголеми драмата и нивниот фиктивен лик да направи нешто што не направила ниту една жена“, се вели во објавата на Гаприндашвили.

Кризата кај поранешниот премиерлигаш Дерби каунти влезе во критична фаза, откако од клубот потврдија дека се во стечај.

Второлигашот, чиј тренер е поранешниот англиски капитен Вејн Руни, автоматски ќе загубат 12 поени според правилата на Англиската фудбалска лига (ЕФЛ), што значи дека се заглавени на дното на табелата, а им се закануваат и дополнителни казни поради неправилностите во финансиското водење на клубот, најверојатно дополнителни 9 поени.

Бордот на Дерби откри дека стечајот е последица на тоа што нема заинтересираи за преземање на клубот како последица на пандемијата на корона вирус и истрагата на ЕФЛ.

„Приходите се намалени за 20 милиони фунти, а за разлика од другите бизнис-сектори, фудбалот не успеа да ги намали трошоците. Пандемијата исто така значеше дека не бевме во можност да имаме состаноци со повеќе потенцијални инвеститори и купувачи. Продажбата на клубот во јануари 2020 колабираше кога ЕФЛ се противеше на продажбата“, се вели во објавата на клубот.

Бидејќи досега имаат освоено само седум поени, казната од 12 поени ќе значи дека тие се на дното на табелата, веднаш до лутите ривали Нотингем форест, кои имаат свои проблеми и досега имаат освоено само еден поен.

Изненадувачкото пристигнување на Лео Меси во Париз ќе ги чини скапо Пари Сен-Жермен, тврди францускиот весник „Л’Екип“, кој објаснува дека Аргентинецот ќе добие фантастични 110 милиони евра „нето“ од богатиот клуб.

Меси пристигна на „Паркот на принцовите“ откако цела кариера беше фудбалер на Барселона, но каталонскиот гигант не успеа да му обезбеди нов договор во рамките на ограничувањата поставени од шпанската Ла лига.

По ова немаше многу простор за шпекулации каде ќе заврши, бидејќи тој веднаш ја прифати понудата од Париз, која според „Л’Екип“ изнесува вкупно 110 милиони евра – 30 милиони за првата сезона, и по 40 милиони за следните две сезони (со бонус од 10 милиони за лојалност).

Иако оваа сума изгледа фантастично, сепак, тоа е помала сума од таа која ја заработуваше во Каталонија – шпанските медиуми тврдеа дека последниот петгодишен договор му донел на Меси над 500 милиони евра.