Спорт
Посебен случај – Саудијците ќе му дозволат на Роналдо да живее со Георгина
Кристијано Роналдо ќе може да живее со својата девојка Георгина Родригез во Саудиска Арабија и покрај тоа што во оваа држава постои закон според кој машко и женско можат да живеат заедно само ако се во брак.
Португалската суперѕвезда потпиша мега-договор со Ал-Наср, со кој ќе заработува неверојатни 200 милиони долари по сезона (ако се вклучат и спонзорските договори), но постоеја стравувања дека ќе има проблеми за неговото семејство, бидејќи уште не е во брак со Георгина и покрај тоа што имаат две деца заедно. Саудиските адвокати, сепак, се погрижиле за овој проблем и најавиле дека локалните власти ќе го толерират неговиот случај.
„Иако законите во кралството уште забрануваат заедничко живеење за парови кои не се во брак, властите во последно време не ги гонат овие случаи и не покренуваат обвиненија. Овие закони се применуваат само кога има некој криминал“, вели еден адвокат за „ЕФЕ“.
Се очекува Роналдо да дебитира за новито клуб против Ал-Етифак на 22 јануари, иако постои можност да биде дел од најдобрите 11 на Саудиската Про лига против Пари Сен-Жермен на пријателски меч на 19 јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хет трик на Довбик – Џирона со седм гола ја испрати Гранада во Сегунда
Во вториот натпревар од последното 38. коло на шпанската Примера, фудбалерите на Џирона ја декласираа Гранада со 7:0.
Џирона во голем стил ја заврши најуспешната сезона во клупската историја. Екипата од Каталонија е трета на табелата и наредната сезона ќе игра во Лигата на шампионите.
Три гола постигна Украинецот Артем Довбик, кој сега е прв стрелец во лигата со 24 гола, еден повеќе од Норвежанецот Александар Серлот од Виљареал.
Во победата два гола постигна вториот Украинец Циганков, односно Гарсија и Стуани.
Спорт
Реал го прегази Олимпијакос, ќе ја брани титулата против Панатинаикос
Реал Мадрид ќе ја брани титулата в недела против Панатинаикос, откако во второто полуфинале на завршниот турнир во Берлин го победи Олимпијакос со 87:76 (28:10, 28:27, 15:21, 16:18).
Во второто полуфинале немаше никаква неизвесност. Слично како и во првото полуфинале, работите беа решени во рната фаза од натпреварот. Реал, во првата четвртина со шест тројки го торпедираше кошот на Олимпијакос и во вториот период влезе со предност од 18 поени.
Во ист ритам Реал продолжи и во втората четвртина, во која дојде до највисоката преднотс (54:29).
Олимпијакос се разбуди во второто полувреме, во еден момент, во последната четвртина со доближи на негатива од само осум поени, но Реал лесно го одби тој напад и на крајот заслужено победи.
Џанан Муса го предводеше Реал со 20 поени, Марио Хезоња постигна 12, а Гершон Јабуселе и Винсан Поарије по 11.
Кај Олимпијакос се истакнаа Алек Питерс постигна 23 со 10 скока, Шекил Мекисик 17, а Најџел Вилијамс-Гос 15 поени.
Финалниот натпревар Реал-Панатинаикос ќе се одигра в недела од 20 часот.
Спорт
Пандев во „Тимот на светот“, ќе игра против Романија 1994
Тимот на светот утре во Букурешт ќе одигра ревијален натпревар против „златната генерација“ на романскиот фудбал која остави фантастичен впечаток на СП 1994.
На Светското првенство во 1994 година Романија стигна до четвртфиналето.
Дел од тимот на светот ќе биде и Горан Пандев. Во овој тим се меѓудругите Дида, Маикон, Стоичков, Ривалдо, Панучи, Маркос Сена, Савиола, Карембе…
Во тимот на Романија ќе бидат Попеску, Димитреску, Лакатуш, Прунеа, Лупеску, Мунтеану, Дан Петреску…