Италија на Роберто Манчини имаше совршен старт на Европското првенство, откако на „Олимпико“ во Рим со 3:0 ја декласираа Турција во првиот меч на шампионатот.

Пред домашната публика, по спектакуларното отварање на ЕУРО 2020, Италијанците започнаа одлично, и во првото полувреме редеа шанси, но не успеаја да ја пробијат цврстата одбрана на Турците, кои го имаа и Чакир на голот, кој спречи една одлична шанса. Во 45. минута, Италијанците беа сигурни дека се оштетени за пенал кога обидот на Спинацола заврши во раката на Челик, но холандскиот судија Дени Макели не подлегна на притисокот.

Италија, конечно, стигна до водство во 53. минута, кога фудбалерот на Јувентус, Месих Демирал ја смести топката во сопствената мрежа, за само 13 минути подоцна, Чиро Имобиле да се најде на вистинското место по една хаотична ситуација пред голот на Чакир и да зголеми на 2:0. Лоренцо Инсиње во 79. минута по лошата интервенција на Чакир доби топка од Имобиле и со фантастичен потег ги постави конечните 3:0.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1688-26542”));

Нема веќе чекање, во Рим официјално стартуваше 15. Европско првенство во фудбал, со спектакуларен огномет, со маестро Андреа Бочели и со официјалната песна на ЕУРО 2020 во изведба на Боно Вокс и Еџ.

Бочели со легендарната „Nesun dorma“ (Никој нема да спие), ја електризираше атмосферата на славниот италијански стадион, пред Боно Вокс и Еџ да ја исполнат химната на првенството.

Сега 24 репрезентации, вклучувајќи ја и Македонија ќе сонуваат за финалето на „Вембли“ на 11 јули. Да потсетиме, Македонија во недела (18.00) го има своето деби против Австрија.

EURO 2020 Opening ceremony at the Olimpico in Rome! 😍#EURO2020 pic.twitter.com/ADcB2yZZIE

— UEFA EURO 2020 (@EURO2020) June 11, 2021

Капитенот Горан Пандев преку Инстаграм прати порака до нацијата пред историскиот настап на Европското првенство во фудбал, во кое зборува за остварувањето на сонот во неговата кариера и за генерацијата која ја обедини нацијата.

„Дојде и тој ден кога почнува Европското првенство. Денот кој го сонував долго низ мојата кариера. Македонија да игра на едно големо натпреварување, можеби ова се моите последни натпревари за македонската репрезентација. Сакам како капитен да ви се обратам на цела нација. Оваа генерација е најсветото нешто на македонскиот фудбал, ова е генерацијата што ја обедини цела Македонија. Горд сум на секој момент и секоја капка пот пролеана во светиот дрес. Сонот го испишавме, да одиме да испишеме историја. Бидете со нас и навивајте за МАКЕДОНИЈА“, пишува капитенот.

View this post on Instagram

A post shared by Goran Pandev (@goranpandev19)