Спорт
Примивме гол во 97. минута, Македонија-Словенија 1:1
Првпат по подолго време со публика на трибините, македонската фудбалска репрезентација го одигра првиот тест пред стартот на Европското првенство, одигрувајќи 1:1 со Словенија во Скопје, откако длабоко во судското продолженија во 97. минута примивме гол за реми.
Шанса да се тестира формата за меч беше добредојдена за тимот на Игор Ангеловски, посебно против незгоден противник каков што се Словенците, со фудбалери од рангот на Јосип Иличиќ и Јан Облак.
По првото полувреме, во кои иницијативата ја имаа гостите, и со малку шанси на двете страни, дојде најубавиот момент на мечот во 55. минута, кога Џани Алиоски фантастично му асистираше на Елиф Елмас, а фудбалерот на Наполи постигна прекрасен гол, земајќи му „мерка“ на Облак, за трет гол во три меча со Словенија. По ова, иницијативата беше на наша страна, и веднаш имавме нова шанса преку Аријан Адеми. Кога сите го чекаа крајот на на натпреварот, судијата реши да има 5 минути продолжение, во кои Домен Чрнигој постигна убав гол за 1:1.
По ова следува и тестот против Казахстан пред дебито на првото големо натпреварување за „рисовите“.
Фото: ФФМ
Eljif Elmas’dan Mükemmel Gol ? pic.twitter.com/YdXmXA0LDo
— Simon Kjaer (@fenerli_simon) June 1, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.