Спорт
Претседателот на Ла Лига: Барса не е во позиција да го врати Меси
Претседателот на шпанската фудбалска лига (Ла Лига), Хавиер Тебас оцени дека Барселона моментално не е финансиски способна да го врати Лионел Меси, но додаде дека се надева дека ситуацијата ќе се промени.
„Во моментов не би можеле да го регистрираат, но има уште време“, изјави Тебас на прес-конференција.
Претседателот на Ла Лига изрази „надеж“ дека каталонскиот клуб ќе успее да ја врати аргентинската ѕвезда, чиј договор со Пари Сен Жермен истекува во јуни.
„Нема да ги менуваме правилата за финансиска контрола одобрени од клубовите, за да може Барса да го регистрира Меси, дури и ако нашата желба е тој да се врати во нашиот шампионат“, изјави Тебас.
Каталонскиот весник „Мундо Депортиво“ објави дека Барса има „цврста намера да го купи Лео Меси“ следното лето.
Меси ја напушти Барселона во летото 2021 година, тој се пресели во ПСЖ. Меси на 69 натпревари постигна 31 гол, но не успеа да стане идол во Париз, особено поради неуспехот на парискиот клуб во Лигата на шампионите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гасперини: На неверојатен начин се запишавме во историјата
Аталанта го победи Баер Леверкузен со 3:0 во финалето на Лига Европа во Даблин и со тоа стигна до својот прв европски трофеј во историјата.
Стрелец на сите три гола за тимот од Бергамо беше Нигериецот Адемола Лукман. Првиот гол го постигна во 12. минута, вториот во 26., а третиот во 76. минута.
Аталанта одигра совршен натпревар, најзаслужен за тоа е тренерот Џан Пјеро Гасперини кој во целост го надмудри младиот колега Чаби Алонсо.
„Мислам дека испишавме историја, но начинот на кој го освоивме трофејот е неверојатен. Ги повторивме изданијата од Ливерпул и Лисабон. Спортинг ја освои лигата, Ливерпул беше прв во Премиер лигата кога игравме таму, Баер Леверкузен доминираше во Бундеслигата”. рече Гасперини и продолжи:
„Ние често играме со тројца напаѓачи, моравме да одиме на победа во финалето. Моравме да бидеме офанзивни, немаше да биде доволно за победа доколку решевме да се браниме. Знаевме дека овие тимови се одлични кога напаѓаат, но не се толку добри кога ќе ги принудиш да се бранат. Сите мои играчи беа извонредни“.
Спорт
Баерн преговара и со Венсан Компани
Тренерот на Барнли, Венасн Компани, од следната сезона би можел да го предводи Баерн Минхен.
Според новинарот на „Скај спорт Германија“, Флоријан Плетенберг, Баерн е сериозно заинтересиран за Винсент Компани.
Се наведува дека се водени прелиминарни разговори и дека некои од клупските ченици сметале дека Компани има голем потенцијал.
Баерн долго време се мачи да најде нов тренер. Откако донесоа одлука да се разделат со Томас Тухел, не можат да најдат соодветна замена.
Понуда од клубот одбија Јулијан Нагелсман, Чаби Алонсо, Зинедин Зидан, Ралф Рагник.
Наводно, Баер го следи Компани уште од моментот кога влезе во тренерските редови и ја започна кариерата како стратег на Андерлехт.
Моментално е тренер на Барнли, минатата сезона успеа да избори промоција во Премиер лигата, но оваа сезона експресно се врати назад. Неговиот тим заврши на 19. место на табелата во елитното англиско првенство.
Баерн би морал да плати обештетување доколку дојде до договор за соработка.
Спорт
Јокиќ ја предводи најдобрата петорка во НБА
НБА лигата ги објави имињата на играчите кои се најдоа во идеалниот тим на ова натпреварување.
Актуелниот МВП на лигата, Никола Јокиќ ја предводи најдобрата петорка.
За српскиот центар ова е четврти пат во кариерата да се најде во елитното друштво (2019, 2021, 2022, 2024).
Покрај него, тука се и Јанис Адтетокумбо (Милвоки), Лука Дончиќ (Далас), Шеј Гилџис-Александер (Оклахома) и Џејсон Тејтум (Бостон).
Во петорка се Џејлен Бренсон од Њујорк, крилниот центар на Лејкерс Ентони Дејвис, Кевин Дурант (Феникс),најдобриот играч на Минесота Ентони Едвардс и Каваи Ленард (ЛА Клиперс).
Третиот тим го сочинуваат Девин Букер (Феникс) , Стеф Кари (Голден стејт), Тајрис Халибартон (Индијана), Леброн Џејмс (ЛА Лејкерс) и Домантас Сабонис (Сакраменто).