Спорт
ПСЖ не го пуштаат Нејмар во Бразил
Тренерот на ПСЖ, Маурисио Покетино рече дека клубот се уште не ја одредил програмата за рехабилитација на Нејмар, но не се планира негово одење во Бразил.
Бразилецот се повреди во средата на мечот со второлигашот Каен во Купот на Франција и се очекува да е надвор од терените еден месец.
Нејмар сигурно ќе го пропушти првиот дуел од осминафиналето во ЛШ против Барселона, а под знак прашање е неговиот настап и за реваншот предвиден на 10 март.
Во минатото, Нејмар рехабилитацијата најчесто ја правеше во татковината.
„Се обидуваме да го пронајдеме најдоброто решение за што побрзо тој да се врати на теренот. Што се однесува до одењето во Бразил, тоа клубот не го придвидел, ниту играчот, ниту некој друг. Се што ќе се каже поврзано со тоа е само нагаѓање“ рече Покетино.
Аргентинскиот стратег на клупата на „Светците“ се обиде да ја оправда одлуката што првата ѕвезда на ПСЖ беше на теренот во дуел со второлигаш и тоа во Купот наместо да одмара за дуелот со Каталонците.
„Натпреварите и календарот се такви какви што се. За жал Нејмар се повреди во Купот, но повредата можеше да се случи и на првенствен меч, па и на тренинг. Нејмар рече дека е тажен што нема да е на располагање неколку недели“ смета стратегот.
Откако пред 4 години токму од Барселона се пресели во Париз за рекордни 222 милиони евра, Бразилецот постојано има проблем со стапалата, препоните, ребрата и скочниот зглоб.
Запрашан дали неговиот начин на живот влијае за честитте повреди, Покетино категоричен:
„Нејмар е многу професионален, поминав со него 40 дена и ги видов неговите квалитети“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.