Спорт
Реал со новиот „Бернабеу“ ќе заработува екстра 100 милиони евра годишно
Кога минатата година целиот свет го тресеше глобална пандемија на коронавирус, Реал Мадрид започна со модернизација на својот стадион кој го носи името на клупската легенда Сантијаго Бернабеу.
Пред 2 месеци беа завршени работите на тревникот и на трибините, додека опширните работи се уште се во тек. Тука се вклучува монтажа на покрив кој ќе се поместува , модернизација на внатрешноста, но и ново руво за надворешната фасада.
Навивачите сакаат потполно шаренолик дел од стадионот во внатрешноста, со голем избор на содржини, па планирана е изградба на неколку ресторани – конкретно дури 5. Сето тоа би требало да е готово до декември идната година.
За навивачите да не чекаат во ред за да нарачаат храна и пијалок, се подготвува апликација со која сето тоа ќе можат да го нарачаат и да им биде доставено до местото на трибините каде што се сместени.
Сето тоа би ги зголемило приходите во Кралскиот клуб за петпати, па Реал годишно би заработувал 100-тици милиони евра само од тој сегмент.
?? Detalles del Nuevo Bernabéu (restauración). ¡Dentro hilo! ?
? Se preven unos ingresos de 100M€ (x5 a los actuales).
? Habrá una app para pedir bebida y comida 'a domicilio' (en tu asiento). pic.twitter.com/QBkt0VmROE
— Madrid Sports (@MadridSports_) November 3, 2021
? Se barajan restaurantes como: 99 Sushi Bar, La Máquina, Kabuki, Urrechu…
? Estarán presentes chefs como: Arzak, Dani García, Dabiz Muñoz, Ángel Muñoz o Martín Berasategui.
? El Sky Bar se ha inspirado Seen, situado en Lisboa. pic.twitter.com/058YWNuzh5
— Madrid Sports (@MadridSports_) November 3, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Помошникот на Артета ќе го преземе Феенорд?
Челниците на Феенорд се свесни дека тренерот Арне Слот ќе го напушти клубот во летниот преоден рок.
Англиските медиуми пренесуваат дека тој ќе го наследи Јирген Клоп во Ливерпул. Овие извири тврдат дека двете страни се блиску до конечен договор.
Ливерпул ќе треба да му плати на Феенорд десет милиони евра како обештетување, бидејќи Слот има уште две години од договорот со клубот од Ротердам.
Замената за Слот, како што пишува холандскиот весник „АД“, Феенорд ќе ја донесе од Арсенал. Според овој извор, нов тренер на Феенорд ќе биде асистентот на Микел Артета во Арсенал, Алберт Стуивенберг (54).
Стуиенберг, работел во јуниорските категории на Феенорд, потоа во Англија му беше помошник на Луис ван Гал во Манчестер Јунајтед.
Тој е со Артета во Арсенал од 2019 година, а доколку биде ангажиран во Феенорд, тоа би му била прва самостојна работа.
Спорт
Удинезе и Рома го завршија прекинатиот натпревар, славеа гостите
Фудбалерите на Удинезе и Рома го завршија прекинатиот натпревар од 32. коло во италијанската Серија А. Гостите од Рим славеа со гол во судиското надополнување со 1:2.
Натпреварот кој се играше на 14 април беше прекинат во 72. минута, откако дефанзивецот на Рома, Еван Ендика колабираше на теренот. Вечерва се одиграа преостанатите 18 минути.
Од 72.минута дуелот продолжи со резултат 1:1. Рома забележа значајна победа со голот на Брајан Кристанте во судиското надополнување, на асистенција на Пауло Дибала.
На двете екипи им беа неопходни бодови, Удинезе бидејќи се бори за опстанок, Рома е во трака за место Лигата на шампионите. Рома е петта на табелата со 58 бодови, четири помалку од Болоња на четвртото место. Удинезе е на 17. место со 28 бодови, колку шт има и Фросиноне.
Спорт
„Де Брујне подобар од Лампард, Сколс и Џерард“
Кевин Де Брујне, „мозокот“ на Манчестер Сити е најдобриот офанзивен играч за врска во Премиер лигата, смета поранешниот англиски репрезентативец и поранешен играч на Вест Хем, Челзи и Ливерпул, Џо Кол.
Според Кол, Де Брујне не е најдобар само во оваа ера, туку и воопшто, подобар дури и од големите англиски ѕвезди и легенди на Челзи, Манчестер Јунајтед и Ливерпул.
„Тој е главниот кум меѓу офанзивните играчи од средниот ред во светскиот фудбал. И понатаму мислам дека тој е најдобар во моментов. Кевин Де Брујне е над секој играч од средниот ред во историјата на Премиер лигата. Навистина го мислам тоа. Тука ги вклучувам Френк Лампард, Пол Сколс, Стивен Џерард и сите останати“, изјави Џо Кол и предизвика мал земјотрес меѓу навивачите на овие клубови.
Нема потреба да се споменува што значи Френк Лампард за навивачите на Челзи, колку е ценет Пол Сколс на „Олд Трафорд“ и каква икона е Стивен Џерард на „Енфилд“.
Тешко е да се каже дали Кевин Де Брујн е најдобриот на сите времиња, но неговите настапи во дресот на Манчестер Сити се потврда дека тој секако е еден од најголемите.