Извршниот одбор на Светската анти-допинг агенција (ВАДА) го прифатил предлогот на независниот комитет на Агенцијата, руските спортисти поради кршење на анти-допинг правилата да бидат отстранети од сите натпреварувања во наредните четири години. Оваа информација за „РИА Новости“ ја потврдил шефот на руската анти-допинг агенција, Јуриј Ганус.

Руската анти-допинг агенција е обвинета дека не работи според правилата на ВАДА и дека манипулирала со лабораториските податоци кои биле доставени до ВАДА во јануари оваа година.

Суспензијата значи дека руските спортисти нема да можат да се натпреваруваат на Летните олимписки игри во Токио во 2020 и Зимските олимписки игри во Пекинг во 2022 година.

Исто така русите ги шокира и информацијата дека забраната се однесува и за фудбалската репрезентација доколку таа избори пласман на Светското првенство во Катар во 2022 година.

Фудбалерите ќе можат да учествуваа на Европското првенство наредното лето бидејќи УЕФА, како континентална организација не била дефинирана како главна организација која организира спортски натпревари.

Спортистите од Русија кои ќе докажат дека немаат врска со допинг-скандалот во Русија ќе можат да се натпреваруваат, но не под знамето на својата држава.

Руските клубови ќе можат да се натпреваруваат на континенталните натпреварувања бидеќи забраната не важи за тие натпреварувања.

Тренерот на Барселона Ернесто Валверде имал намера со комбиниран тим да им се спротивстави на Интер во последниот натпревар во Ф-групата, во Лигата на шампионите. Барса веќе го обезбеди првото место во групата, додека Интер се бори за втората позиција со Борусија Дортмунд.

Каталонскиот весник „Спорт“ пишува дека Барселона, утревечер на „Џузепе Меаце“ ќе пристигне без своите најголеми ѕвезди. Се очекува нападот да го предводи Антоан Гризман, додека Лионел Меси, Луис Суарес и Тер Штеген, најверојатно ќе останат во Барселона.

Покрај овие тројца одмор од тренерот ќе добијат Џерар Пике, Џорди Алба, Серхио Бускетс, Серхи Роберто и Нелсон Семедо.

Весникот шпекулира дека Валверде мечот со Интер ќе го започне со Нето на голот, Муса Варгу, Умтити, Тодимо и Жуниор Фирпо во одбраната, Алења, Ракитиќ и Видал во редот за врска, односно Фати и Гризман во нападот.

На Интер им е потребна било каква победа над Барселона за да се пласираат во осмина-финалето бидејќи имаат подобра меѓусебен скор од Борусија Дортмунд.

Србија, во драматична завршница, ја победи Германија 29:28 (19:17) на Светското првенство за ракометарки кое се одржува во Јапонија.

Србинките испуштија предност од пет гола во првото полувреме, имаа два гола повеќе од противничките по првиот дел, а во второто полувреме ја „бркаа“ Германија, а потоа победија со голот на Кристина Лишчевиќ од седмерец по мистекот на времето.

Поранешната ракометарка на Вардар Драгана Цвијиќ со седум гола ја предводеше Србија, пет постигна Слаѓана Поп-Лазиќ. Кај Германија се истакнаа Евгенија Миневскаја со шест и Амели Бергер со пет гола.

Со оваа победа Србинките стекнаа шанса во последното коло во И-групата да се борат за пласман во полу-финалето. За такво сценарио ќе им биде потребно најпрвин Данска да ја победи Холандија, а потоа во последното коло тие да забележат триумф над Данска.