Спорт
Ремек-делото на Гвардиола – совршениот триаголник на Манчестер сити

Манчестер сити вчера со 6:3 го декласира Лестер во совршен натпревар кој ја покажува фудбалската филозофија на Пеп Гвардиола и колку е тешко да се игра против тој систем, без разлика на конкуренцијата, вели анализата на „Марка“.
Поранешниот тренер на Барселона и Баерн Минхен имаше домашни успеси и со овие клубови, а во Сити воспостави сличен систем на тој со кој Барселона ја направи еден од најсилните клубови во историјата. Во Сити оваа тактика е донесена до совршенство бидејќи во тимот нема класичен напаѓач.
Ниту еден друг тренер не успеа да ја воспостави шемата на Гвардиола со тесно поставување на бековите, кои честопати стануваат фудбалери од средината на теренот кога ја имаат топката и со што е тешко да ги маркирате. Некои од противничките фудбалери ќе ги следат бековите во центарот на теренот, со што отвораат простори каде што крилата на Сити може да ги нападат ривалите еден на еден или да останат во иста позиција и да дозволат Сити да има огромна предност во средината.
Ова креира совршен триаголник во играта на тимот, а голманот Едерсон честопати има улога на трет дефазивец. Додека бековите се стиснати, средината на теренот има шанса да притиска кон противничките напаѓачи. Тие исто така може да се обидат да одат директно на гол.
Ова е систем за кој детаљно е пишувано во книгата Pep Confidential од шпанскиот автор Марти Перарнау, објавена во 2014 додека тој беше фудбалер на Баерн Минхен.
„Идеалната ситуација е центарот да е отворен за внатрешната страна и крајната страна директно да додаваат до него. Ако додавањето успее, тогаш си го прескокнал целиот центар на противникот, а ако ја загубиш топката, тогаш бекот може да ја пополни празнината. Кога ќе се смени однесувањето, тоа предизвикува притисок на противникот и ако не ги следат, тогаш имаш слободен човек, кој ќе ја повлече средината. И така постојано“, се вели во книгата.
За оние што ги интересира повеќе, дел од фудбалската тактика и филозофија на Пеп во следните видеа:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барди: Малта само мислеше како да се одбрани, ќе бидеме подобри со Украина и со Англија

„Десетката“ на Македонија, Енис Барди, смета дека нашиот национален тим сосема заслужено стигна до победа од 2:1 на вечерашниот меч против Малта во Скопје. Елмас и Чурлинов беа стрелци на головите.
„Заслужено победивме, постигнавме два гола, можевме и уште некој. Првиот чекор од овие квалификации беше успешен, очекувам да играме уште подобро против Украина и против Англија. Тешко е да се игра против Малта која само мисли како да се одбрани. Ќе бидеме уште подобри во иднина. Сакам да се заблагодарам и на навивачите за поддршката“, изјави Енис Барди.
Македонија на 27 март ја очекува и пријателски натпревар против Фарски Острови на арената „Тодор Проески“.
Спорт
Хари Кејн најдобар стрелец во историјата на Англија

Kапитенот на Англија, Хари Кејн, со 54 гола вечерва стана рекордер во историјата на фудбалска репрезентација на гордиот Албион, откако беше стрелец на натпреварот против Италија во Неапол, во квалификациите за ЕП 2024 година.
Англија ја победи Италија со 1:2 во првото коло од групата Ц, а Кејн за националниот тим го постигна 54. гол на 81 натпревар.
Фудбалерот на Тотенхем го собори рекордот што го делеше со Вејн Руни, кој постигна 53 гола на 120 натпревари за англиската селекција.
Кејн ќе може да го подобри својот рекорд веќе о недела, кога Англија во второто коло ја пречекува Украина на „Вембли“.
Спорт
Милевски: Ваквите мечеви со ривали како Малта се најопасни, важен е триумфот

Фудбалската репрезентација на Македонија со победа од 2:1 над Малта го стартуваше новиот циклус квалификации за пласман на ЕП 2024. Елмас и Чурлинов беа стрелци на головите за нашиот национален тим, кој, сепак, не блескаше.
Селекторот Благоја Милевски доби црвен картон во завршницата од мечот.
„Добив црвен картон затоа што сум го напуштил просторот за водење на тимот крај клупата. За тоа се добива жолт картон, но ете јас поцрвенев. Сакам да им честитам на момците, за енергијата, за желбата и тактичката дисциплина што ја покажаа на овој натпревар. Ваквите мечеви со ривали како Малта се најопасни. Најважно е дека победивме, а од натпревар во натпревар сме сѐ подобри. За жал, имаме повреди. Ѓоко Зајков со итна помош е одведен во болница, а Адеми се повреди на последниот тренинг“, изјави селекторот Благоја Милевски.