Камил Штох ја воодушеви домашната публика со изненадувачка победа со која ја намали предност на лидерите во генерален пласман во Закопане.

Полјакот, кој сега е шести во генерален пласман, го совлада Австриецот Штефан Крафт со фантастичниот втор скок од 140 метри за победа со предност од 5.1 поени. Неговиот сонародник Давид Кубацки беше трет пред двајца Германци, Штефан Лајхе и Карл Гајгер.

Гајгер со петтото место ја заддржа предноста во генерален пласман со 931 поени, 48 пред Крафт, додека јапонскиот актуелен шампион од Светскиот куп, Рјоју Кобајаши е трет откако беше само седми во Закопане.

Следниот викенд, Светскиот куп се сели во Сапоро.

Лино Червар повторно беше во свој елемент на клупата на Хрватска и при поразот од 22:20 од Шпанија во финалето на Европското првенство, а овојпат виновници му беа македонските судии Славе Николов и Ѓорѓи Начевски.

Еден од клучните моменти на мечот беше на минута и пет секунди пред крајот на мечот, кога Игор Карачиќ направи очигледни чекори (над 10) со топката, а нашите судии правилно досудија дека се работи за прекршок. По ова, Алекс Душебаев постигна гол за конечни 22:20.

„Отиде времето! Ни ја украде топката, да му е.ам мајката безобразна. Ајде, да го завршиме нападот што е можно побргу“, изјави тогаш Червар.

Ова не беше единствен „испад“ на поранешниот македонски селектор. Откако Шпанците направија одлична серија во второто полувреме, тој удри по своите играчи.

„Тие сакаат повеќе победа од нас! Фрлај се на глава, тоа се луѓе од 40 години! Како ќе бидеш првак? Ние седиме и гледаме. Играме пинг-понг“, лудуваше Червар, кој по натпреварот потврди дека ова му е последен пат да ја води Хрватска на големите натпреварувања.

Lino je taj potez doživio vrlo emotivno https://t.co/iadXHkDn3g

— Večernji list (@vecernji_list) January 26, 2020

Неполн час откако Хрватска го загуби финалето на ЕП во ракомет од Шпанија, хрватските навивачи доживеаја нов „студен туш“ откако Црна Гора со одличен пресврт успеа да ги победи со 10:9 во борбата за бронзениот медал на Европското првенство во ватерполо во Будимпешта.

Хрватите почнаа одлично и по првата четвртина имаа 3:1 предност, која се зголеми на 7:3 на полувремето. Меѓутоа, фантастичните Црногорци се вратија за да израмнат во последните минути од мечот преку Спаиќ, за Ивовиќ во осмата минута од последната четвртина со својот петти гол го донесе медалот за Црна Гора.

Во финалето од 19 часот играат првите фаворити Унгарија и Шпанија.