Спорт
„Росонерите“ му го расипаа враќањето на Михајловиќ на клупата на Болоња (видео)

Синиша Михајловиќ се врати на клупата на Болоња по последната тура на хемотерапија, но фудбалерите на Милан му го расипаа кам-бекот однесувајќи 3:2 победа на „Ренато Дал’Ара“.
Михајловиќ доби аплаузи од домашната публика откако се врати на своето работно место по последната тура на хемотерапија за леукемијата и по трансплантација на коскената срж, а моментот беше посебен бидејќи го пречекуваше тимот кому му беше тренер во минатото.
Кшиштоф Пјонтек уште во 15. минута ги донесе гостите во водство со гол од пенал, пред Тео Ернандез во 32. минута да зголеми на 0:2. Сепак, Ернандез само осум минути подоцна си постигна автогол, давајќи надеж дека Болоња може да извлече барем реми.
Џакомо Бонавентура само што почна второто полувреме ја врати предноста од два гола за Милан, меѓутоа финишот на мечот беше многу интересен, откако Никола Сенсоне од пенал во 84. минута намали на 2:3.
Сепак, Милан изддржа и конечно сврза две победи во низа под водство на Стефано Пиоли и да се искачи на 9. место на табелата со 20 поени. Болоња пак, не успеа по сензационалната 2:1 победа над Наполи да собори уште еден голем ривал, и останува на 13. место на табелата со 16 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Поранешен играч на Барса сериозно повреден – Куче го каснало за гениталиите

Поранешниот фудбалер на Барселона, Карлес Перез, беше хоспитализиран, по бизарен инцидент. Куче го каснало за гениталиите додека го шетал својот миленик.
Перез, играч на Арис од Солун, бил во прошетка кога неговиот миленик бил нападнат од друго куче. 27-годишникот се обидел да ги раздели, во обид да спречи евентуални повреди, но наместо тоа, тој го извлекол подебелиот крај.
Се здобил со длабока рана во препоните, откако кулето скитник го каснало за гениталиите. Итно бил префрлен во болница и, како што е наведено, е во сериозна состојба.
Информациите од Солун покажуваат колку е сериозна ситуацијата, според кои лекарите размислуваат за можна операција за санирање на штетата.
Во меѓувреме, успеаја да го стабилизираат, но иако неговиот живот не е загрозен, состојбата на фудбалерот Арис е опишана како сериозна.
Перез кариерата ја започна во колата на Барселона. Дебитираше за првиот тим во сезоната 2019/2020, одигра 11 натпревари и постигна еден гол. Следеа периоди во Рома и Селта, а потоа и траен трансфер во клубот од Виго. Потоа помина една година во Хетафе, а оваа сезона беше позајмен на петтопласираниот тим од грчката Суперлига, Арис.
Фото/ Принскрин
Спорт
Чистка во Челзи – Енцо Мареска отпишал 16 играчи

Победникот на клупскиот Мундијал Челси, ќе биде исклучително активен до крајот на преодниот рок. „Сините“, во досегашниот тек од преодниот рок потрошија 290 милиони евра, се засилија со Жоао Педро (70 милиони), Џејми Гитенс (65 милиони), Естевао (34 милиони), Лиам Делап (35,5 милиони), Јорел Хато (42 милиони).
Челси, во овој момент има многу фудбалери на платниот список, па ќе мора да продава и да позајмува за да направи место во составот и буџетот.
Мадуеке и Кепа заминаа во Арсенал, Петровиќ во Борнмут, а Жоао Феликс во Ал Наср. Италијанскиот инсајдер Николо Скира пишува дека Челзи сака да се ослободи од дури 16 играчи кои не се во плановите на менаџерот Енцо Мареска до крајот на преодниот рок.
Наводно им било кажано дека можат да бараат нов клуб или да одат некаде на позајмица. Меѓу нив се „јаки“ имиња како Николас Џексон, Кристофер Нкунку и Рахим Стерлинг.
Мареска не смета на следниве играчи:
– Веига
– Брете
– Сар
– Бадијашил
– Анселмино
– Чилвел
– Гилкрист
– Угочукву
– Чуквуемека
– Дјусбери-Хол
– Паес
– Стерлинг
– Џексон
– Енкунку
– Нумберс
– Адер
Фото/ Принскрин
Спорт
ДР Конго нов спонзор на Барселона

Фудбалскиот клуб Барселона објави дека потпишал четиригодишен договор за спонзорство со Демократска Република Конго, со кој африканската земја ќе стане спонзор на дресовите на каталонскиот клуб.
Во соопштение на веб-страницата на клубот, Барселона соопшти дека договорот е потпишан со цел да се промовира фудбалот, културата и мирот. Клубот не објави финансиски детали, но шпанските медиуми објавија дека договорот е вреден 44 милиони евра.
Во следните четири сезони, дресовите за тренинг на сите професионални клубови на Барселона ќе го имаат натписот „R.D Congo – Coeur d’Afrique“, што во превод значи „Д.Р. Конко – Срцето на Африка“, отпечатен на задната страна.
„Овој договор означува заедничка посветеност за поттикнување на развојот на спортот во Конго и, како дел од соработката, клубот ќе придонесе за збогатување на тренингот на младите спортисти преку пренесување на својот екосистем на вредности, несомнен столб на моделот и стилот на Барса“, се вели во соопштението.
Барселона се обврза да учествува во развојот на кампови и програми за фудбал, кошарка, ракомет, футсал и хокеј на ролерки.
Договорот, исто така, вклучува и отворање на Домот на Демократска Република Конго во комплексот на стадионот „Камп Ноу“.
Договорот беше критикуван од бројни организации, поради тешката ситуација во Демократска Република Конго, каде што мнозинството од населението живее под линијата на сиромаштија, но и прашањата за почитување на човековите права, по извештаите за вонсудски егзекуции во последните месеци.
Фото/ Принскрин